ក្រុមសិទ្ធិមនុស្សនៅស៊ូដង់ បានអះអាងថាកងកម្លាំងគាំទ្ររហ័ស(RSF) បានប្រើដ្រូនវាយប្រហារលើយានយន្តស៊ីវិលមួយ បណ្តាលឱ្យមនុស្ស៥នាក់ស្លាប់ នៅតំបន់ជិតរដ្ឋធានីខាទុំ។
ប្រភពពីសារព័ត៌មានAnadolu Agency នៅថ្ងៃទី៣ខែឧសភា។
តាមសេចក្តីថ្លែងការណ៍ ការវាយប្រហារនេះបានកើតឡើងលើផ្លូវ Jumo’iyyah ក្នុងតំបន់ជនបទភាគខាងត្បូងនៃទីក្រុង Omdurman ដែលបង្កឱ្យអ្នកដំណើរទាំងអស់នៅក្នុងរថយន្តស្លាប់ភ្លាមៗ។ ក្រុមសិទ្ធិមនុស្សបានចោទថា RSF ទទួលខុសត្រូវពេញលេញចំពោះហេតុការណ៍នេះ។
មេធាវីសង្គ្រោះបន្ទាន់បានពិពណ៌នាថា ការវាយប្រហារនេះគឺជា “ការរំលោភបំពានយ៉ាងធ្ងន់ធ្ងរ” លើច្បាប់មនុស្សធម៌អន្តរជាតិ ព្រោះបានកំណត់គោលដៅលើជនស៊ីវិល ដែលត្រូវបានការពារក្នុងអំឡុងពេលជម្លោះប្រដាប់អាវុធ៕