លោក Mohammad-Bagher Ghalibaf ប្រធានសភាអ៊ីរ៉ង់ បាននិយាយនៅថ្ងៃអង្គារទី០៥.០៥.២០២៦ថា«សមីការថ្មី»កំពុងលេចចេញជារូបរាងនៅច្រកសមុទ្រ Hormuz។
ដោយលោក ស្តីបន្ទោសសហរដ្ឋអាមេរិក ចំពោះការធ្វើឱ្យសន្តិសុខនៃការធ្វើនាវាចរណ៍តាមសមុទ្រ និងថាមពល.មានហានិភ័យ.!។
សារព័ត៌មានRoya news ។
លោក Ghalibaf បានមានប្រសាសន៍នៅលើ Xថា«សមីការថ្មីមួយនៅក្នុងច្រកសមុទ្រ Hormuz កំពុងលេចចេញជារូបរាង។
សន្តិសុខនៃការធ្វើនាវាចរណ៍តាមសមុទ្រ និងការដឹកជញ្ជូនថាមពលត្រូវបានដាក់ឱ្យស្ថិតក្នុងហានិភ័យដោយសហរដ្ឋអាមេរិក និងសម្ព័ន្ធមិត្តរបស់ខ្លួនតាមរយៈការរំលោភលើបទឈប់បាញ់ និងការដាក់ការបិទផ្លូវ។ ទោះជាយ៉ាងណាក៏ដោយ ការគំរាមកំហែងរបស់ពួកគេនឹងថយចុះ»។
លោកបន្ថែមថា«យើងដឹងច្បាស់ថា ការបន្តនៃស្ថានភាពបច្ចុប្បន្នគឺមិនអាចទ្រាំទ្របានសម្រាប់សហរដ្ឋអាមេរិក ខណៈពេលដែលយើងមិនទាន់ចាប់ផ្តើមផង»៕