តុលាការបូលីវីបានចេញដីកាចាប់ខ្លួនអតីតប្រធានាធិបតី លោក Evo Morales បន្ទាប់ពីលោកមិនបានចូលរួមសវនាការ នៅក្នុងសំណុំរឿងដែលពាក់ព័ន្ធនឹងការចោទប្រកាន់ធ្ងន់ធ្ងរ។
ប្រភពពីសារព័ត៌មានAl Jazeera នៅថ្ងៃទី១២ខែឧសភា។
អាជ្ញាធរបូលីវីនិយាយថា លោក Morales ត្រូវបានចោទពីបទបង្កើតកូនជាមួយក្មេងស្រីអាយុ 15 ឆ្នាំ ខណៈពេលកាន់អំណាច ហើយតុលាការបានចាត់ទុកការមិនបង្ហាញខ្លួនរបស់លោកជាការមិនគោរពតុលាការ។
ការសម្រេចនេះបានបង្កឲ្យមានភាពតានតឹងក្នុងប្រទេស ខណៈអ្នកគាំទ្ររបស់លោកព្រមានថា អាចនឹងមានការតវ៉ា ឬភាពចលាចល ប្រសិនបើមានការចាប់ខ្លួន។
សូមបញ្ជាក់ថា៖ លោក Morales ដែលជាអតីតប្រធានាធិបតីជនជាតិដើមភាគតិចដំបូងរបស់បូលីវី បានបដិសេធការចោទប្រកាន់ទាំងអស់ និងបច្ចុប្បន្នកំពុងស្នាក់នៅក្នុងតំបន់ដែលគាំទ្រលោក និងត្រូវបានការពារដោយអ្នកគាំទ្រ៕