(ភ្នំពេញ)៖ សម្តេចតេជោ ហ៊ុន សែន បានថ្លែងថា សម្តេចលែងហៅជាមន្ត្រីគ្រាប់ល្ពៅហេីយ ចង់ហៅថា ជាមន្ត្រីផ្លែទុរេន សម្តេចនឹងតាមដានរឿងទុរេននេះរហូត.!។
សម្តេចលើកឡើងថា មន្ត្រីដែលគ្រោះថ្នាក់នោះ ជាមន្ត្រីផ្លែទុរេននេះហើយ ដែលដើរភូតទូទាំងប្រទេស.!។
*សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានថ្លែងបែបនេះ នៅព្រឹកថ្ងៃទី១៦ ខែឧសភា ឆ្នាំ២០២៦ ក្នុងឱកាសសម្ពោធអគារ«៦មករា»សមិទ្ធផលនានានៃមន្ទីរគណៈកម្មាធិការគណបក្សប្រជាជនកម្ពុជាខេត្តព្រៃវែង និងសំណេះសំណាលជាមួយសមាជិក សមាជិកាក្រុមប្រឹក្សាខេត្ត ក្រុង-ស្រុក ឃុំ-សង្កាត់ និងមន្ត្រីនៃមន្ទីរ-អង្គភាពនានាជុំវិញខេត្ត សរុបចំនួន១.៣១១នាក់។
សម្តេចតេជោ បានមានប្រសាសន៍ថា ប្រសិនជាខ្ញុំជារដ្ឋមន្ត្រីក្រសួងពាណិជ្ជកម្ម ខ្ញុំនឹងបញ្ជូនទៅអោយអង្គភាពប្រឆាំងអំពើពុករលួយ ស្រាវជ្រាវលើរឿងនេះ។
ការដកចេញពីក្របខណ្ឌ មិនទាន់គ្រប់គ្រាន់ទេ ត្រូវមើលទៅលក្ខន្តិកៈមន្ត្រីរាជការស៊ីវិល ចោទប្រកាន់តាមផ្លូវតុលាការ នេះជាការបញ្ជូនសារព្រមានទៅកាន់មន្ត្រីទូទាំងប្រទេស។
*សូមជម្រាបថា ក្រសួងពាណិជ្ជកម្ម កាលពីថ្ងៃទី១៤.០៥.២០២៦ បានចេញប្រកាស ដោយសម្រេចបញ្ចប់មុខតំណែង និងលុបឈ្មោះលោក គឹម ប្រុស ប្រធានសាខាក.ប.ប.ខេត្តបាត់ដំបង ចេញពីក្របខ័ណ្ឌមន្ត្រីរាជការ។
បន្ទាប់ពីមានប្រតិកម្មរឿង ឈ្មួញខិលខូច លួចនាំចូល(ទុរេន)ពីប្រទេសថៃ មកលក់នៅលើទីផ្សារកម្ពុជា ហើយលោក គឹម ប្រុស ប្រធានសាខាក.ប.ប.ខេត្តបាត់ដំបង ក៏ចេញមុខអះអាងថា(ទុរេន)ទាំងនោះជាទុរេនខ្មែរ។
ស្របពេលដែលឈ្មួញសារភាពថា ខ្លួនពិតជាបាននាំចូល(ទុរេន)ពីប្រទេសថៃ ប្រាកដមែន។
ករណីនេះ បណ្ដាលឱ្យផ្ទុះការរិៈគន់ ពេញបណ្ដាញសង្គម រហូតមានប្រតិកម្មពីសម្ដេចតេជោ ហ៊ុន សែន៕