មន្ត្រីជាន់ខ្ពស់នៃក្រុមប្រឹក្សាសន្តិភាព លោកNickolay Mladenov និយាយថា តំបន់ហ្គាហ្សានៅតែមិនទាន់ ងើបឡើងវិញទេ ទោះមានបទឈប់បាញ់ក៏ដោយ។
ប្រភពពីសារព័ត៌មានTRT World នៅថ្ងៃទី២២ខែឧសភា។
លោកបញ្ជាក់ថា ហ្គាហ្សាត្រូវបានបំផ្លាញធ្ងន់ធ្ងរ ដោយមានកម្ទេចអគារប្រហែល 70 លានតោន និងគ្រាប់រំសេវមិនទាន់ផ្ទុះនៅជាច្រើនកន្លែង។ មនុស្សជាង 1 លាននាក់នៅតែគ្មានផ្ទះសម្បែង និងរស់នៅក្នុងតង់ ឬអគារខូចខាត។
លោកនិយាយថា ស្ថានភាពមានភាពប្រសើរខ្លះក្រោយបទឈប់បាញ់ ដូចជា ការបាញ់ប្រហារថយចុះ និងជំនួយអាហារចូលបានច្រើនជាងមុន ប៉ុន្តែស្ថានភាពមនុស្សធម៌នៅតែធ្ងន់ធ្ងរ ហើយមិនអាចហៅថាជាការស្តារឡើងវិញបានទេ៕
