សហរដ្ឋអាមេរិក បានបើកការវាយប្រហារថ្មីលើទីតាំងយោធារបស់អ៊ីរ៉ង់ក្បែរច្រកសមុទ្រ Hormuz ដោយអះអាងថាជាវិធានការការពារកងទ័ពអាមេរិក និងសុវត្ថិភាពចរាចរណ៍ផ្លូវទឹក។
ប្រភពពីសារព័ត៌មានAl Jazeera នៅថ្ងៃទី២៨ខែឧសភា។
ជាការឆ្លើយតប អ៊ីរ៉ង់បាននិយាយថា ខ្លួនបានវាយប្រហារលើមូលដ្ឋានទ័ពអាកាសអាមេរិក ហើយព្រមានថា នឹងមានសកម្មភាពខ្លាំងជាងនេះ ប្រសិនបើអាមេរិកបន្តវាយប្រហារ។
ទន្ទឹមនឹងនេះ អ៊ីស្រាអែលបានបញ្ជាឱ្យប្រជាជនរាប់ម៉ឺននាក់នៅភាគខាងត្បូងលីបង់ជម្លៀសចេញ ខណៈកងទ័ពអ៊ីស្រាអែលបន្តប្រយុទ្ធជាមួយហេសបូឡាហ៍ និងបង្កើនការទម្លាក់គ្រាប់បែក។
អង្គការជំនួយមនុស្សធម៌បានព្រមានថា ស្ថានការណ៍នៅភាគខាងត្បូងលីបង់កំពុងក្លាយជាគ្រោះមហន្តរាយធ្ងន់ធ្ងរដោយសារការវាយប្រហារបន្តឥតឈប់ឈរ៕
