(ស្វាយរៀង)៖ រថយន្តដឹកកម្មករបានបើកដាច់ហ្វ្រាំងក្រឡាប់ នៅភូមិស្វាយចេក ឃុំស្វាយចេក ស្រុករំដួល ខេត្តស្វាយរៀង កាលពីវេលាម៉ោង៦និង១០នាទីព្រឹកថ្ងៃទី៤ ខែមិថុនា ឆ្នាំ២០២៦ បណ្ដាលឲ្យកម្មករកម្មការិនីរងរបួសចំនួន២៥នាក់ ក្នុងនោះធ្ងន់៥នាក់។
របាយការណ៍សាខាកាកបាទក្រហមកម្ពុជាខេត្តស្វាយរៀង បានឲ្យដឹងថា មានករណីគ្រោះថ្នាក់ចរាចរណ៍ ក្រឡាប់រថយន្តដឹកកម្មករសរុប៣៧នាក់ បណ្ដាលឲ្យកម្មករកម្មការិនីរងរបួសសរុបចំនួន២៥នាក់ ស្រី១៥នាក់ ក្នុងនោះរបួសធ្ងន់៥នាក់ នៅចំណុចខាងមុខសាលាបឋមសិក្សាម្រាក ស្ថិតនៅក្នុងភូមិម្រាក ឃុំស្វាយចេក ស្រុករំដួល ខេត្តស្វាយរៀង។
រថយន្តជួបគ្រោះថ្នាក់ចរាចរណ៍នេះ ដឹកកម្មករកម្មការិនី មកពីភូមិបឹង ឃុំច្រេស ស្រុកមេសាង ខេត្តព្រៃវែង បច្ចុប្បន្ន ក្រុមគ្រួពេទ្យ មន្ទីរពេទ្យបង្អែកសាមគ្គីស្រុករំដួល កំពុងព្យាបាលយ៉ាងយកចិត្តទុកដាក់បំផុត៕
