នៅថ្ងៃទី៩ខែមិថុនា មេបញ្ជាការកងទ័ពប៉ាគីស្ថាន លោកSyed Asim Munir និងមេបញ្ជាការកងទ័ពលីបង់ លោកRodolphe Haykal បានជួបពិភាក្សាគ្នានៅទីក្រុងRawalpindi ដើម្បីពិភាក្សាអំពីស្ថានភាពសន្តិសុខក្នុងតំបន់ និងការពង្រឹងកិច្ចសហប្រតិបត្តិការយោធារវាងប្រទេសទាំងពីរ។
ប្រភពពីសារព័ត៌មានAnadolu Agency។
ភាគីទាំងពីរបានផ្តោតលើការបណ្តុះបណ្តាល ការផ្លាស់ប្តូរបទពិសោធន៍វិជ្ជាជីវៈ និងការពង្រឹងទំនាក់ទំនងការពារជាតិ ខណៈដែលស្ថានការណ៍នៅលីបង់កំពុងតានតឹងដោយសារការវាយប្រហាររបស់អ៊ីស្រាអែល។
ប៉ាគីស្ថានបានបញ្ជាក់ជាថ្មីពីការគាំទ្រចំពោះលីបង់ និងការប្តេជ្ញាបន្តកិច្ចសហប្រតិបត្តិការយោធា។ ចំណែកភាគីលីបង់បានកោតសរសើរដល់វិជ្ជាជីវៈ និងការរួមចំណែករបស់កងទ័ពប៉ាគីស្ថានក្នុងបេសកកម្មរក្សាសន្តិភាពអន្តរជាតិ៕
