នៅថ្ងៃសៅរ៍ទី១៣ខែមិថុនា យន្តហោះដឹកជញ្ជូនយោធា AN-32 របស់កងទ័ពអាកាសឥណ្ឌា បានជួបគ្រោះថ្នាក់ធ្លាក់នៅពេលកំពុងចុះចតនៅមូលដ្ឋានទ័ពអាកាសJorhat ស្ថិតនៅភាគឦសានរបស់ប្រទេសឥណ្ឌា។
ប្រភពពីសារព័ត៌មានTRT World។
កងទ័ពអាកាសឥណ្ឌាបានបញ្ជាក់ថា យន្តហោះបានជួបឧបទ្ទវហេតុអំឡុងពេលចុះចត ប៉ុន្តែមិនទាន់បង្ហាញព័ត៌មានអំពីចំនួនអ្នកស្លាប់ ឬអ្នករងរបួសនៅឡើយទេ។
អាជ្ញាធរយោធាបានបញ្ជាឱ្យបើកការស៊ើបអង្កេត ដើម្បីកំណត់មូលហេតុនៃគ្រោះថ្នាក់នេះ ខណៈព័ត៌មានលម្អិតបន្ថែមកំពុងរង់ចាំការបញ្ជាក់ជាផ្លូវការ៕
