កាលពីយប់មិញ រុស្ស៊ី បានបើកការវាយប្រហារទ្រង់ទ្រាយធំដោយប្រើមីស៊ីលនិងដ្រូនលើអ៊ុយក្រែន បណ្តាលឱ្យមនុស្សយ៉ាងហោចណាស់១១នាក់ស្លាប់និងមនុស្សជាច្រើននាក់ទៀតរងរបួស។
ប្រភពពីសារព័ត៌មានAFP នៅថ្ងៃទី១៥ខែមិថុនា។
នៅរដ្ឋធានី Kyiv អគ្គិភ័យបានឆាបឆេះវិហារ Dormition ដែលស្ថិតនៅក្នុងតំបន់បេតិកភណ្ឌពិភពលោក Kyiv-Pechersk Lavra បន្ទាប់ពីការវាយប្រហារ។ ប្រជាពលរដ្ឋជាច្រើនបានរត់ទៅរកកន្លែងជ្រកកោន ខណៈសំឡេងផ្ទុះបានលាន់ឮពេញទីក្រុង។
ប្រធានាធិបតីលោកVolodymyr Zelensky បានអំពាវនាវឱ្យមេដឹកនាំ G7 Summit បង្កើនសម្ពាធលើរុស្ស៊ី បន្ទាប់ពីការវាយប្រហារដ៏ធ្ងន់ធ្ងរនេះ៕
