មេដឹកនាំកូរ៉េខាងជើង លោកKim Jong Un បានប្រកាសថា ប្រទេសរបស់លោកនឹងពន្លឿនការពង្រឹងសមត្ថភាពយោធា ដើម្បីឆ្លើយតបនឹងការគំរាមកំហែងពីកូរ៉េខាងត្បូងនិងអាមេរិក។
ប្រភពពីសារព័ត៌មានCNA នៅថ្ងៃទី២៣ខែមិថុនា។
យោងតាមសារព័ត៌មានរដ្ឋ KCNA លោក គីម បានអះអាងថា ការធ្វើទំនើបកម្មយោធារបស់កូរ៉េខាងត្បូង និងកិច្ចសហប្រតិបត្តិការយោធាជាមួយសហរដ្ឋអាមេរិក ជាពិសេសផែនការពង្រឹងសមត្ថភាពនាវាមុជទឹកនុយក្លេអ៊ែរ បានជំរុញស្ថានការណ៍នៅឧបទ្វីបកូរ៉េឱ្យកាន់តែតានតឹង។
ក្នុងកិច្ចប្រជុំរយៈពេលបីថ្ងៃរបស់គណបក្សពលករកូរ៉េ ដែលបញ្ចប់កាលពីថ្ងៃចន្ទ លោក គីម បានបញ្ជាក់ថា រដ្ឋាភិបាលនឹងបន្តពង្រឹងសមត្ថភាពការពារជាតិឱ្យបានលឿនជាងមុន ដើម្បីការពារសន្តិសុខរបស់ប្រទេស៕
