ប្រទេសវេណេស៊ុយអេឡា បានរងការរញ្ជួយដីថ្មីកម្រិត ៤.៩រ៉ិចទ័រ នៅឆ្នេរសមុទ្រភាគខាងជើង បន្ទាប់ពីការរញ្ជួយដីធំៗពីរលើកដែលបានសម្លាប់មនុស្សយ៉ាងហោចណាស់ ៩២០ នាក់ និងបង្កការខូចខាតយ៉ាងធ្ងន់ធ្ងរនៅរដ្ឋធានីការ៉ាកាស។
ប្រភពពីសារព័ត៌មានAl jazeera នីថ្ងៃទី២៧ ខែមិថុនា។
តាមអង្គការតាមដានការរញ្ជួយដីអឺរ៉ុប (EMSC) ការរញ្ជួយដីចុងក្រោយនេះមានចំណុចកណ្តាលស្ថិតនៅចម្ងាយប្រមាណ ៦១ គីឡូម៉ែត្រ ភាគពាយ័ព្យនៃទីក្រុង Maracay។ សាក្សីបានឱ្យដឹងថា ប្រជាពលរដ្ឋនៅទីក្រុង Maracay និង Caracas អាចមានអារម្មណ៍ពីការរញ្ជួយនេះ។
រហូតមកដល់ពេលនេះ មិនទាន់មានសេចក្តីរាយការណ៍អំពីអ្នកស្លាប់ ឬការខូចខាតបន្ថែមពីការរញ្ជួយដីថ្មីនេះនៅឡើយ ខណៈក្រុមជួយសង្គ្រោះនៅតែបន្តស្វែងរកអ្នកជាប់ក្រោមគំនរបាក់បែកពីគ្រោះរញ្ជួយដីធំដែលបានកើតឡើងកាលពីដើមសប្តាហ៍៕
