នៅថ្ងៃទី២៨ ខែមិថុនា ឆ្នាំ២០២៦ យន្តហោះលោតឆ័ត្រយោងមួយគ្រឿងបានធ្លាក់នៅភាគឦសានប្រទេសបារាំង បណ្តាលឱ្យមនុស្សទាំង១១នាក់ដែលនៅលើយន្តហោះស្លាប់ទាំងអស់។
ប្រភពពីសារព័ត៌មានAP។
អភិបាលតំបន់ Meurthe-et-Moselle លោក Yves Séguy បានឱ្យដឹងថា យន្តហោះបានធ្លាក់ភ្លាមៗនៅក្បែរអាកាសយានដ្ឋាន ហើយមិនមានអ្នកណាម្នាក់នៅលើដីរងរបួសនោះទេ។
អាជ្ញាធរបារាំងបានបញ្ជូនក្រុមសង្គ្រោះទៅកន្លែងកើតហេតុភ្លាមៗ និងកំពុងផ្តល់ការគាំទ្រផ្លូវចិត្តដល់ក្រុមគ្រួសារជនរងគ្រោះ។ ទន្ទឹមនឹងនេះ ការស៊ើបអង្កេតកំពុងបន្ត ដើម្បីកំណត់មូលហេតុនៃគ្រោះថ្នាក់នេះ៕
