កិច្ចចរចារយៈពេល៤ថ្ងៃរវាងអ៊ីស្រាអែលនិងលីបង់ នៅទីក្រុងវ៉ាស៊ីនតោន បានជួបការលំបាក បន្ទាប់ពីកិច្ចព្រមព្រៀងថ្មីរវាងសហរដ្ឋអាមេរិក និងអ៊ីរ៉ង់ ត្រូវបានគេចាត់ទុកថាបានបង្កភាពស្មុគស្មាញដល់ដំណើរការចរចា។
ប្រភពពីសារព័ត៌មានAnadolu Agency នៅថ្ងៃទី២៩ខែមិថុនា។
យោងតាមរបាយការណ៍របស់ Axios មន្ត្រីអ៊ីស្រាអែលបារម្ភថា កិច្ចព្រមព្រៀងនេះអាចពង្រឹងឥទ្ធិពលរបស់ក្រុម Hezbollah និងអ៊ីរ៉ង់នៅលីបង់ ខណៈមន្ត្រីអាមេរិកបញ្ជាក់ថា គោលបំណងរបស់ខ្លួនគឺជំរុញឱ្យមានកិច្ចព្រមព្រៀងសន្តិភាពរវាងអ៊ីស្រាអែល និងលីបង់ ដោយគ្មានការជ្រៀតជ្រែកពីភាគីខាងក្រៅ។
ការចរចាបានផ្តោតលើបញ្ហាសន្តិសុខ ការដកកងទ័ពអ៊ីស្រាអែលចេញពីតំបន់មួយចំនួននៅភាគខាងត្បូងលីបង់ និងកិច្ចព្រមព្រៀងក្របខ័ណ្ឌ។ ទោះជាយ៉ាងណា ភាគីទាំងពីរនៅតែមានការខ្វែងគំនិតគ្នាលើលក្ខខណ្ឌនៃការដកទ័ព៕
