កងទ័ពអ៊ីស្រាអែល បានបន្តការវាយប្រហារតាមអាកាស និងបាញ់ផ្លោងនៅតំបន់ហ្គាហ្សា ដោយបណ្តាលឱ្យជនជាតិប៉ាឡេស្ទីនស្លាប់ និងរងរបួសបន្ថែម ទោះបីជាបទឈប់បាញ់នៅតែមានសុពលភាពក៏ដោយ។
ប្រភពពីសារព័ត៌មានTRT World នៅថ្ងៃទី៤ខែកក្កដា។
ប្រភពវេជ្ជសាស្ត្របានឱ្យដឹងថា បុរសម្នាក់ឈ្មោះ Mohammad Najib Ashour បានស្លាប់ បន្ទាប់ពីការវាយប្រហារដោយដ្រូនរបស់អ៊ីស្រាអែលនៅទីក្រុងហ្គាហ្សា។ ក្រៅពីនេះ សាកសពជនជាតិប៉ាឡេស្ទីនពីរនាក់ទៀតក៏ត្រូវបានរកឃើញនៅតំបន់ Beit Lahia បន្ទាប់ពីបាត់ខ្លួនជាច្រើនថ្ងៃ។
ក្រសួងសុខាភិបាលហ្គាហ្សាបានឱ្យដឹងថា ក្នុងរយៈពេល៤៨ម៉ោងកន្លងមក មានមនុស្ស៧នាក់ស្លាប់,សាកសព៩នាក់ត្រូវបានរកឃើញនិង១៦នាក់រងរបួស៕
