នៅថ្ងៃទី៤ ខែកក្កដា អគ្គីភ័យមួយបានឆាបឆេះលើស្ពានBrooklyn ក្នុងអំឡុងកម្មវិធីបាញ់កាំជ្រួចអបអរទិវាឯករាជ្យអាមេរិក បង្កឱ្យមានអណ្តាតភ្លើងនិងផ្សែងហុយឡើងលើស្ពាន ប៉ុន្តែមិនមានអ្នករងរបួសនោះទេ។
ប្រភពពីសារព័ត៌មានABC។
នាយកដ្ឋានពន្លត់អគ្គីភ័យទីក្រុងញូវយ៉ក (FDNY) បានបញ្ជូនរថយន្តពន្លត់អគ្គីភ័យចំនួន២គ្រឿងទៅកន្លែងកើតហេតុ ហើយអាចគ្រប់គ្រងស្ថានការណ៍បានក្នុងរយៈពេលខ្លី។ អគ្គីភ័យបានកើតឡើងនៅមុនម៉ោង ១០យប់ ខណៈស្ពានត្រូវបានបិទចរាចរណ៍សម្រាប់កម្មវិធីបាញ់កាំជ្រួច។
មន្ត្រី FDNY បានឱ្យដឹងថា ឧបទ្ទវហេតុបែបនេះអាចកើតមានក្នុងអំឡុងការបាញ់កាំជ្រួច ដូច្នេះអាជ្ញាធរតែងតែរៀបចំវិធានការសុវត្ថិភាព និងរក្សាអ្នកទស្សនាឱ្យនៅឆ្ងាយពីតំបន់គ្រោះថ្នាក់៕
