លោក Jorge Rodriguez ប្រធានរដ្ឋសភា បាននិយាយកាលពីថ្ងៃពុធទី១៥.០៧.២០២៦(ម៉ោងនៅក្នុងតំបន់)ថា ចំនួនអ្នកស្លាប់ដោយសាររញ្ជួយដីជាប់ៗគ្នា កាលពីខែមុននៅក្នុងប្រទេសវេណេស៊ុយអេឡា បានកើនឡើងដល់៤.៨២៩នាក់។
សារព័ត៌មានAnadolu។
លោក Rodriguez បានបង្ហោះនៅលើប្រព័ន្ធXថា មនុស្សសរុបចំនួន ១៦.៧៤០នាក់ បានរងរបួសនៅក្នុងការរញ្ជួយដីដ៏ខ្លាំងក្លានេះ។
លោកនិយាយថា អាជ្ញាធរបានជួយគ្រួសារចំនួន១២៨.៣២៤គ្រួសារ និងបានបង្កើតជំរំបណ្ដោះអាសន្នចំនួន ១០៦ ដែលមានមនុស្សរស់នៅចំនួន ២០៨៥៧នាក់ ខណៈដែល ១៧.៩០៧គ្រួសារ នៅតែគ្មានលំនៅដ្ឋានអចិន្ត្រៃយ៍។
ការរញ្ជួយដីបានបំផ្លាញអគារចំនួន ៨៥៦ខ្នង រួមទាំងអគារចំនួន១៩០ខ្នងដែលបានដួលរលំ។
គួរំលឹកថា គ្រោះរញ្ជួយដីភ្លោះនេះបានវាយប្រហារប្រទេសវេណេស៊ុយអេឡា កាលពីថ្ងៃទី២៤ ខែមិថុនា ឆ្នាំ២០២៦៕
