អាជ្ញាធរបង់ក្លាដែស កាលពីថ្ងៃពុធ ទី១៥ ខែកក្កដា ឆ្នាំ២០២៦ បានរឹបអូសទ្រព្យសម្បត្តិតម្លៃប្រហែល៧៦០ ពាន់លានតាកា ឬ៦,២ពាន់លានដុល្លារ របស់អតីតនាយករដ្ឋមន្ត្រី Sheikh Hasina ពីក្រុមគ្រួសាររបស់លោកស្រី និងក្រុមហ៊ុនអាជីវកម្មចំនួន១០ផងដែរ។
សារព័ត៌មាន AFP។
ទីភ្នាក់ងារស៉ើបការណ៍ហិរញ្ញវត្ថុរបស់បង់ក្លាដែស បានឱ្យដឹងថា ទ្រព្យសម្បត្តិដែលត្រូវបានរឹបអូស មានជាង ៤,៦ពាន់លានដុល្លារ ត្រូវបានរឹបអូសក្នុងប្រទេសបង់ក្លាដែស និងជាង ១,៥ពាន់លានដុល្លារទៀត ត្រូវបានរឹបអូស នៅឯបរទេស។
បើតាមប្រធានទីភ្នាក់ងារ លោក Ikhtiar Mohammad Mamun អាជ្ញាធរបានបើកសំណុំរឿងចំនួន ៩៨ករណី ជាផ្នែកមួយនៃការស៉ើបអង្កេតលើលោកស្រី Hasina និងបុគ្គលដែលមានទំនាក់ទំនងជាមួយលោកស្រី។
គួរបញ្ជាក់ថា ចាប់តាំងពីត្រូវបានទម្លាក់ពីអំណាចកាលពី២ឆ្នាំមុនមក លោកស្រី Hasina ត្រូវបានកាត់ទោសកំបាំងមុខ នៅក្នុងសំណុំរឿងជាច្រើន រួមទាំងសំណុំរឿងពុករលួយដែលពាក់ព័ន្ធនឹងការបែងចែកដីឡូត៍ នៅតំបន់លំនៅឋាន៕
