ចៅក្រមសហព័ន្ធអាមេរិក លោកស្រី Indira Talwani បានចេញបញ្ជាឱ្យរារាំងសេវាប្រៃសណីយ៍អាមេរិក (USPS) មិនឱ្យអនុវត្តវិធានការមួយចំនួនរបស់ប្រធានាធិបតី Donald Trump ដែលមានគោលបំណងរឹតបន្តឹងការបោះឆ្នោតតាមប្រៃសណីយ៍។
ប្រភពពីសារព័ត៌មានAnadolu Agency នៅថ្ងៃទី១២ខែសីហា។
វិធានការនេះពាក់ព័ន្ធនឹងបទបញ្ជាប្រតិបត្តិរបស់លោក Trump ដែលកំណត់លក្ខខណ្ឌថ្មីសម្រាប់សន្លឹកឆ្នោតតាមប្រៃសណីយ៍ និងសន្លឹកឆ្នោតអវត្តមាន។
ដំបូង ចៅក្រម Talwani បានរារាំងការអនុវត្តបទបញ្ជានេះនៅក្នុងរដ្ឋចំនួន ២៣ និងទីក្រុង Washington D.C. ប៉ុន្តែបញ្ជាថ្មីនេះបានពង្រីកការរារាំងទៅទូទាំងសហរដ្ឋអាមេរិក។
វិវាទនេះកំពុងកើតឡើងមុនការបោះឆ្នោតពាក់កណ្តាលអាណត្តិ នៅខែវិច្ឆិកា ដែលនឹងកំណត់ថា គណបក្សណានឹងគ្រប់គ្រងសភាតំណាងរាស្ត្រ និងព្រឹទ្ធសភាអាមេរិក៕
