(ភ្នំពេញ)៖ អគ្គនាយកដ្ឋានរដ្ឋបាល ក្រសួងមហាផ្ទៃ បានណែនាំដល់រដ្ឋបាលខេត្តកំពង់ឆ្នាំង ឱ្យចាត់វិធានការជាបន្ទាន់! លើមន្ត្រីទាំងឡាយណា ដែលបានគប់គិតគ្នា អនុវត្តគម្រោងមូលនិធិរបស់រដ្ឋបាលឃុំទឹកហូត ដោយបង្គោល សូឡា១ដើម តម្លៃ៨លានរៀល រួមនិងឃុំចំនួន៤ទៀត.!។
*នេះបើយោងតាម សេចក្ដីប្រកាសព័ត៌មានរបស់អគ្គនាយកដ្ឋានរដ្ឋបាល ក្រសួងមហាផ្ទៃ ដែល”ដើមរាំង”ទើបទទួលបាន.!។
ការណែនាំបន្ទាន់បែបនេះ! បន្ទាប់ពីមានការផ្សព្វផ្សាយពីភាពមិនប្រក្រតី នៃការអនុវត្តគម្រោងមូលនិធិឃុំទឹកហូត ស្រុករលាប្អៀរ ខេត្តកំពង់ឆ្នាំង ដែលបង្គោលសូឡា១ដើមតម្លៃ៨,០០០,០០០រៀល ពោលគឺតម្លៃនេះខ្ពស់ជាង តម្លៃទីផ្សារហួសហេតុពេក!។
អគ្គនាយកដ្ឋានរដ្ឋបាល បានចាត់មន្ត្រីជំនាញឱ្យចុះពិនិត្យស៊ើបអង្កេតស្រាវជ្រាវ និងរកឃើញពីភាពមិនប្រក្រតី នៃដំណើរការរៀបចំនិងអនុវត្តគម្រោង មូលនិធិរបស់រដ្ឋបាលឃុំចំនួន៥នៃខេត្តកំពង់ឆ្នាំង ក្នុងនោះក៏មានរដ្ឋបាលឃុំទឹកហូត ស្រុករលាប្អៀរ ផងដែរ។
ទន្ទឹមនិងនោះ ក្រសួងមហាផ្ទៃ បានធ្វើការណែនាំដល់រដ្ឋបាលខេត្តកំពង់ឆ្នាំង ឱ្យចាត់វិធានការជាបន្ទាន់!លើមន្ត្រីដែលគប់គិតគ្នា ក្នុងការរៀបចំ និងអនុវត្តគម្រោងមូលនិធិឃុំ ទាំង៥ខាងលើ ដោយត្រូវដាក់វិន័យឬទណ្ឌកម្មឱ្យបានម៉ឺងម៉ាត់បំផុត!ស្របតាមច្បាប់ និងលិខិតបទដ្ឋានគតិយុត្តជាធរមាន៕
