កងទ័ពជើងទឹករបស់កងឆ្មាំបដិវត្តន៍អ៊ីរ៉ង់ (IRGC) បានអះអាងថា ខ្លួនមានការគ្រប់គ្រងពេញលេញលើច្រកសមុទ្រ Hormuz ដែលជាផ្លូវសមុទ្រដ៏សំខាន់សម្រាប់ការដឹកជញ្ជូនប្រេងពិភពលោក។
ប្រភពពីសារព័ត៌មានReuter នៅថ្ងៃទី២៩ខែសីហា។
កងទ័ពជើងទឹកអ៊ីរ៉ង់បានបដិសេធការអះអាងរបស់សហរដ្ឋអាមេរិកដែលថា ច្រកសមុទ្រ Hormuz នៅតែបើកចំហ។ អ៊ីរ៉ង់បានចោទថា ការអះអាងរបស់អាមេរិកមានគោលបំណងគ្រប់គ្រងតម្លៃប្រេង និងលាក់បាំងអ្វីដែលអ៊ីរ៉ង់ហៅថា បរាជ័យរបស់សហរដ្ឋអាមេរិក។
តាមសេចក្តីថ្លែងការណ៍របស់ IRGC ការរឹតបន្តឹងលើច្រកសមុទ្រនឹងបន្ត រហូតដល់សកម្មភាពយោធារបស់សហរដ្ឋអាមេរិកប្រឆាំងនឹងអ៊ីរ៉ង់ត្រូវបានបញ្ចប់ និងការប្តេជ្ញាចិត្តពាក់ព័ន្ធត្រូវបានអនុវត្ត។
សូមបញ្ជាក់ថា៖ ច្រកសមុទ្រ Hormuz មានសារៈសំខាន់យ៉ាងខ្លាំងចំពោះទីផ្សារថាមពលពិភពលោក ព្រោះវាជាផ្លូវសំខាន់សម្រាប់នាវាដឹកប្រេងឆ្លងកាត់រវាងឈូងសមុទ្រពែរ្ស និងមហាសមុទ្រអូម៉ង់។ ដូច្នេះ ភាពតានតឹងនៅទីនេះអាចបង្កផលប៉ះពាល់ដល់ការផ្គត់ផ្គង់ប្រេង និងតម្លៃថាមពលនៅលើទីផ្សារពិភពលោក៕
