ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានបញ្ជាឱ្យកងទ័ពបង្កើនការវាយប្រហារដោយប្រើដ្រូនរយៈចម្ងាយឆ្ងាយទៅលើប្រទេសរុស្ស៊ី ខណៈរុស្ស៊ីបន្តវាយប្រហារលើអ៊ុយក្រែន។
ប្រភពពីសារព័ត៌មានAl Jazeera នៅថ្ងៃទី២៩ខែសីហា។
លោកហ្សេលេនស្គីបាននិយាយថាអ៊ុយក្រែនមានគោលដៅបាញ់បង្ហោះដ្រូនយ៉ាងហោចណាស់១,០០០គ្រឿងក្នុងមួយថ្ងៃ ទៅលើគោលដៅក្នុងប្រទេសរុស្ស៊ី ដែលច្រើនជាងបីដងនៃចំនួនបច្ចុប្បន្នដែលត្រូវបានប៉ាន់ប្រមាណថាមានប្រហែល ៣០០ គ្រឿងក្នុងមួយថ្ងៃ។
លោកបានបញ្ជាក់ថា ការបង្កើនសមត្ថភាពវាយប្រហារគឺជាគោលដៅជាក់លាក់របស់កងទ័ពអ៊ុយក្រែន។
ជាមួយគ្នានេះ លោកហ្សេលេនស្គីបាននិយាយថា អ៊ុយក្រែនបានទទួលព័ត៌មានពីសហរដ្ឋអាមេរិកអំពីកិច្ចប្រជុំនានាដែលបានធ្វើឡើងនៅទីក្រុងមូស្គូ។ វិមានក្រឹមឡាំងបានបញ្ជាក់ថា ប្រធាន CIA លោក John Ratcliffe បានជួបមន្ត្រីចារកម្មរុស្ស៊ី ប៉ុន្តែមិនបានជួបប្រធានាធិបតីរុស្ស៊ី លោក វ្ល៉ាឌីមៀរ ពូទីនទេ៕
