នាយកប្រតិបត្តិក្រុមហ៊ុនMeta លោក Mark Zuckerberg ត្រូវបានរាយការណ៍ថា បានរៀបចំផែនការសម្ងាត់មួយ ដើម្បីកាត់បន្ថយចំនួនបុគ្គលិកយ៉ាងច្រើន និងប្រើប្រាស់បញ្ញាសិប្បនិម្មិត (AI) ដើម្បីជំនួសការងារមួយចំនួនរបស់មនុស្ស។
ប្រភពពីសារព័ត៌មានNews York post នៅថ្ងៃទី២៩ខែសីហា។
ផែនការនេះមានឈ្មោះ Project OT (Organization Transformation) ហើយមានគោលបំណងធ្វើឱ្យ Meta ដែលជាក្រុមហ៊ុនម្ចាស់ Facebook និង Instagram ក្លាយជាក្រុមហ៊ុនដែលពឹងផ្អែកលើ AI កាន់តែខ្លាំង។
តាមការរាយការណ៍ ផែនការដំបូងមានគោលដៅកាត់បន្ថយកម្លាំងការងារនៅផ្នែកមួយចំនួនរហូតដល់ ៦០%។ ក្រុមហ៊ុនសង្ឃឹមថា AI អាចធ្វើការងារមួយចំនួនដែលបច្ចុប្បន្នត្រូវការបុគ្គលិកមនុស្ស។
ប៉ុន្តែផែនការនេះបានជួបបញ្ហា ដោយសារប្រព័ន្ធ AI មិនអាចបំពេញការងារបានតាមការរំពឹងទុកទាំងអស់ ហើយមានការមិនពេញចិត្ត និងការតវ៉ាពីបុគ្គលិក។ បញ្ហាទាំងនេះបានធ្វើឱ្យផែនការកាត់បន្ថយបុគ្គលិកទ្រង់ទ្រាយធំត្រូវបានបន្ថយ ឬផ្លាស់ប្តូរ។
ទោះជាយ៉ាងណា Meta នៅតែបន្តវិនិយោគយ៉ាងខ្លាំងលើ AI និងព្យាយាមប្រើបច្ចេកវិទ្យានេះ ដើម្បីបង្កើនផលិតភាព និងកាត់បន្ថយការពឹងផ្អែកលើកម្លាំងពលកម្មមនុស្ស៕
