ប៉ូឡូញ និងអ៊ុយក្រែនបានចោទប្រកាន់រុស្ស៊ីថា កំពុងបង្កើនភាពតានតឹង បន្ទាប់ពីរុស្ស៊ីបានប្រើដ្រូនវាយប្រហារលើរថភ្លើងដឹកអ្នកដំណើរ នៅជិតព្រំដែនប៉ូឡូញ-អ៊ុយក្រែន កាលពីថ្ងៃទី១៣ ខែកញ្ញា ឆ្នាំ២០២៦។
ប្រភពពីសារព័ត៌មានAl Jazeera។
រថភ្លើងដែលធ្វើដំណើរពីក្រុង Kyiv ទៅទីក្រុង Warsaw ត្រូវបានវាយប្រហារនៅចម្ងាយប្រហែល ២គីឡូម៉ែត្រពីព្រំដែនប៉ូឡូញ។ ទោះជាយ៉ាងណា មិនមានអ្នកស្លាប់ ឬរបួសត្រូវបានរាយការណ៍ទេ។
អតីតនាយករដ្ឋមន្ត្រីអង់គ្លេស Boris Johnson និងអតីតនាយក CIA អាមេរិក David Petraeus ក៏ស្ថិតនៅស្ថានីយរថភ្លើង Yagodyn ដែលនៅក្បែរនោះ ក្នុងពេលមានការវាយប្រហារ។ ពួកគេធ្វើដំណើរតាមរថភ្លើងផ្សេង ហើយមិនមានរបាយការណ៍ថាពួកគេរងគ្រោះឡើយ។
ប្រធានាធិបតីអ៊ុយក្រែន Volodymyr Zelenskyy បាននិយាយថា រុស្ស៊ីបានវាយប្រហារក្បាលរថភ្លើងដោយ ចេតនា។ ប៉ូឡូញក៏បានព្រមានថា សកម្មភាពរបស់រុស្ស៊ីកំពុងកាន់តែខិតជិតព្រំដែនរបស់ខ្លួន។
រដ្ឋមន្ត្រីការបរទេសប៉ូឡូញ Radoslaw Sikorski បានអំពាវនាវឱ្យប្រទេសសម្ព័ន្ធមិត្ត បង្កើនការគាំទ្រអ៊ុយក្រែនទ្វេដង ខណៈប៉ូឡូញបារម្ភពីការប្រើប្រាស់ដ្រូនវាយប្រហាររយៈចម្ងាយឆ្ងាយ ដែលមានល្បឿនលឿន និងពិបាកស្ទាក់ចាប់ជាងមុន៕
