ប្រធានាធិបតីអេមីរ៉ាតអារ៉ាប់រួម(UAE) លោក Mohamed bin Zayed Al Nahyan និងប្រធានាធិបតីស៊ីរី លោក Ahmad al-Sharaa បានជួបគ្នានៅទីក្រុង Abu Dhabi កាលពីថ្ងៃទី១៥ ខែកញ្ញា ដើម្បីពិភាក្សាពីការពង្រឹងទំនាក់ទំនងរវាងប្រទេសទាំងពីរ។
ប្រភពពីសារព័ត៌មានAnadolu Agency។
មេដឹកនាំទាំងពីរបានពិភាក្សាជាពិសេសអំពី កិច្ចសហប្រតិបត្តិការផ្នែកសេដ្ឋកិច្ច និងការអភិវឌ្ឍ ដោយមានគោលបំណងជួយបង្កើនកំណើន និងផលប្រយោជន៍របស់ប្រជាជននៃប្រទេសទាំងពីរ។
ពួកគេក៏បានពិភាក្សាអំពីស្ថានការណ៍ក្នុងតំបន់ និងអន្តរជាតិ ជាពិសេសបញ្ហានៅ មជ្ឈិមបូព៌ា និងផលប៉ះពាល់របស់វាចំពោះសន្តិសុខ និងស្ថិរភាពក្នុងតំបន់។
មេដឹកនាំទាំងពីរបានសង្កត់ធ្ងន់លើសារៈសំខាន់នៃការរួមគ្នាពង្រឹង សន្តិសុខ និងស្ថិរភាពក្នុងតំបន់ ដើម្បីគាំទ្រដល់ការអភិវឌ្ឍ និងផលប្រយោជន៍របស់ប្រជាជន។
ក្រោយបញ្ចប់ដំណើរទស្សនកិច្ច ប្រធានាធិបតីស៊ីរីបានចាកចេញពីUAE ត្រឡប់ទៅប្រទេសរបស់លោក៕
