អគារលំនៅដ្ឋានកម្ពស់៧ជាន់មួយនៅទីក្រុងហ្គាហ្សា បានបាក់រលំកាល បណ្តាលឱ្យមនុស្សយ៉ាងហោចណាស់១៦នាក់ស្លាប់និងមនុស្ស១៤នាក់ទៀតរងរបួស។
ប្រភពពីសារព័ត៌មានAl Jazeera នៅថ្ងៃទី១៦ខែកញ្ញា។
ក្រុមការពារជនស៊ីវិលប៉ាឡេស្ទីន និងប្រជាពលរដ្ឋ បានប្រើប្រាស់ដៃជីកកកាយក្នុងគំនរបាក់បែក ដើម្បីស្វែងរកអ្នកនៅរស់។ កុមារមួយចំនួនត្រូវបានជួយសង្គ្រោះចេញពីក្រោមគំនរបាក់បែក និងបញ្ជូនទៅមន្ទីរពេទ្យ។
មន្ត្រីការពារជនស៊ីវិលបាននិយាយថា មនុស្សជិត១០០នាក់ អាចនៅជាប់ក្រោមគំនរបាក់បែក ហើយក្រុមសង្គ្រោះកំពុងបន្តស្វែងរកអ្នកបាត់ខ្លួន។ ការជួយសង្គ្រោះមានការលំបាកខ្លាំង ដោយសារខ្វះឧបករណ៍សម្រាប់រុករក និងលើកយកបេតុងធ្ងន់ៗ។
តាមសារព័ត៌មានក្នុងតំបន់ អគារនេះធ្លាប់រងការវាយប្រហាររបស់អ៊ីស្រាអែលក្នុងអំឡុងសង្គ្រាម ដែលធ្វើឱ្យអគារមានស្នាមប្រេះ និងខូចខាតរចនាសម្ព័ន្ធ មុនពេលបាក់រលំនៅថ្ងៃពុធនេះ៕
