អារ៉ាប៊ីសាអូឌីតកំពុងបង្កើនការនាំចេញប្រេងតាមស្ថានីយនៅតំបន់ឈូងសមុទ្រ បន្ទាប់ពីការវាយប្រហារបានរំខានដល់ការដឹកជញ្ជូនប្រេងតាមបំពង់បង្ហូរប្រេងទៅកាន់សមុទ្រក្រហម។
ប្រភពពីសារព័ត៌មានReuter នៅថ្ងៃទី២២ខែកញ្ញា។
ទិន្នន័យពី TankerTrackers.com បង្ហាញថា ក្រុមហ៊ុនប្រេងរដ្ឋ Saudi Aramco បានផ្ទុកប្រេងប្រហែល ១៤លានបារ៉ែល ដាក់លើនាវាដឹកប្រេងធំៗចំនួន ៧គ្រឿង កាលពីថ្ងៃអាទិត្យ។
ទិន្នន័យក៏បង្ហាញថា ការផ្ទុកប្រេងនៅស្ថានីយតំបន់ឈូងសមុទ្ររបស់អារ៉ាប៊ីសាអូឌីត បានកើនឡើងដល់ជាមធ្យមប្រហែល ៣.៧លានបារ៉ែលក្នុងមួយថ្ងៃ ចាប់ពីថ្ងៃទី១២ ខែកញ្ញា។
ការកើនឡើងនៃការនាំចេញប្រេងនេះបានធ្វើឱ្យទីផ្សាររំពឹងថា ការផ្គត់ផ្គង់ប្រេងអាចកើនឡើងវិញ។ ជាលទ្ធផល តម្លៃប្រេង Brent បានធ្លាក់ក្រោម ១០០ដុល្លារក្នុងមួយបារ៉ែល ជាលើកដំបូងចាប់តាំងពីថ្ងៃទី៩ ខែកញ្ញា៕
