ប្រធានគោលនយោបាយការបរទេសសហភាពអឺរ៉ុប (EU) លោកស្រី Kaja Kallas បានព្រមាននៅថ្ងៃទី២៨ ខែកញ្ញា ឆ្នាំ២០២៦ ថារុស្ស៊ីកំពុងរៀបចំសកម្មភាពបំផ្លិចបំផ្លាញ និងការវាយប្រហារបន្ថែមទៀតនៅអឺរ៉ុប។
ប្រភពពីសារព័ត៌មានAA news។
លោកស្រី Kallas បាននិយាយថា សកម្មភាពទាំងនេះអាចមានគោលបំណងបង្កការបែកបាក់ក្នុងសង្គម និងបំភ័យប្រទេសអឺរ៉ុបមិនឱ្យបន្តជួយអ៊ុយក្រែន។ លោកស្រីបានអំពាវនាវឱ្យប្រទេសសមាជិក EU បង្កើនការប្រុងប្រយ័ត្ន និងចាត់វិធានការទប់ស្កាត់មុនពេលការវាយប្រហារកើតឡើង។
រដ្ឋមន្ត្រីការពារជាតិ EU កំពុងពិភាក្សាអំពីការឆ្លើយតបចំពោះការវាយប្រហារបែប «Hybrid» ដែលរួមមានសកម្មភាពបំផ្លិចបំផ្លាញ និងការវាយប្រហារតាមវិធីផ្សេងៗ។ ពួកគេក៏នឹងពិភាក្សាអំពីការពង្រឹងសមត្ថភាពការពារអឺរ៉ុប និងការគាំទ្រអ៊ុយក្រែនផងដែរ។
ចំពោះមជ្ឈិមបូព៌ា លោកស្រី Kallas បាននិយាយថា ប្រតិបត្តិការកងទ័ពជើងទឹក EU «Aspides» ត្រូវការនាវាបន្ថែម ដើម្បីជួយការពារនាវាដឹកទំនិញឆ្លងកាត់ច្រកសមុទ្រ Bab el-Mandeb៕
