អេមីរ៉ាតអារ៉ាប់រួម (UAE) បានបញ្ជាក់ថា នាយករដ្ឋមន្ត្រីអ៊ីស្រាអែល លោក Benjamin Netanyahu បានទៅជួបប្រធានាធិបតីUAE លោក Sheikh Mohammed bin Zayed Al Nahyan នៅទីក្រុង Abu Dhabi កាលពីចុងសប្តាហ៍។
ប្រភពពីសារព័ត៌មានAl Jazeera នៅថ្ងៃទី២៩ខែកញ្ញា។
ដំណើរទស្សនកិច្ចនេះត្រូវបានធ្វើឡើងដោយសម្ងាត់ មុនពេល UAE បញ្ជាក់ជាផ្លូវការនៅថ្ងៃទី២៨ ខែកញ្ញា។ ភាគីទាំងពីរបានពិភាក្សាអំពីទំនាក់ទំនងរវាង UAE និងអ៊ីស្រាអែល និងវិធីពង្រឹងកិច្ចសហប្រតិបត្តិការរវាងប្រទេសទាំងពីរ។
ដំណើររបស់ Netanyahu កើតឡើងនៅពេលអ៊ីស្រាអែលកំពុងមានភាពចម្រូងចម្រាសផ្នែកនយោបាយ និងត្រៀមការបោះឆ្នោត Knesset នៅខែតុលា។
ទន្ទឹមនឹងនេះ កាសែត Haaretz បានរាយការណ៍ថា លោក Mohammed bin Zayed ធ្លាប់បានព្រមាន Netanyahu មុនការវាយប្រហារថ្ងៃទី៧ ខែតុលា ឆ្នាំ២០២៣ អំពីការគំរាមកំហែងពី Hamas។ ការិយាល័យ Netanyahu បានបដិសេធរបាយការណ៍នេះ ហើយចាត់ទុកថាជារឿងប្រឌិត និងមានគោលបំណងនយោបាយ៕
