រុស្ស៊ីបានបើកការវាយប្រហារទ្រង់ទ្រាយធំដោយប្រើមីស៊ីលនិងដ្រូន លើតំបន់ជាច្រើនក្នុងប្រទេសអ៊ុយក្រែន នៅពេលយប់ បណ្តាលឱ្យមនុស្សយ៉ាងហោចណាស់ ១៥នាក់ស្លាប់ ក្នុងនោះមានកុមារ៣នាក់។
ប្រភពពីសារព័ត៌មានKyiv post។
ការវាយប្រហារបានបំផ្លាញយ៉ាងធ្ងន់ធ្ងរអគារស្នាក់នៅកម្ពស់៥ជាន់មួយនៅទីក្រុង Pryluky ដែលស្ថិតប្រហែល ១៥០គីឡូម៉ែត្រខាងកើតទីក្រុង Kyiv។ ក៏មានការខូចខាតផ្ទះប្រជាពលរដ្ឋ និងហេដ្ឋារចនាសម្ព័ន្ធនៅទីក្រុង Kremenchuk និងតំបន់ផ្សេងៗទៀត។
កងកម្លាំងរុស្ស៊ីបានបាញ់មីស៊ីលផ្លោងជាច្រើនរលកមកកាន់ទីក្រុង Kyiv ដោយការវាយប្រហារដំបូងកើតឡើងបន្ទាប់ពីម៉ោង ៣ព្រឹក។
ក្រុមអ្នកជួយសង្គ្រោះកំពុងបន្តរុករក និងជួយជនរងគ្រោះនៅទីតាំងចំនួន ៨កន្លែង ខណៈប្រធានាធិបតីអ៊ុយក្រែន លោក Volodymyr Zelenskyy បានអំពាវនាវឱ្យមានការផ្គត់ផ្គង់ប្រព័ន្ធការពារមីស៊ីល Patriot បន្ថែម៕
