កាលពីរថ្ងៃអង្គារទី៦ខែតុលា អគ្គិភ័យដ៏ធំមួយបានឆាបឆេះនៅរោងចក្រចម្រាញ់ប្រេងCardon ក្នុងរដ្ឋFalconរបស់ប្រទេសវេណេស៊ុយអេឡា បង្កការភ័យខ្លាចដល់ប្រជាជនដែលរស់នៅក្បែររោងចក្រ។
ប្រភពពីសារព័ត៌មានAA news។
អគ្គិភ័យបានកើតឡើងប្រហែលម៉ោង ៣:២៥រសៀល នៅតំបន់ផលិតប្រេងរំអិល ដែលជាផ្នែកមួយនៃ មជ្ឈមណ្ឌលចម្រាញ់ប្រេង Paraguana។ ប្រជាពលរដ្ឋបានរាយការណ៍ថា ឃើញអណ្តាតភ្លើងខ្លាំងនៅតំបន់បំពង់បញ្ចេញឧស្ម័នរបស់រោងចក្រ។
ក្រុមពន្លត់អគ្គិភ័យរបស់ក្រុមហ៊ុនប្រេងរដ្ឋ PDVSA និងមន្ត្រីគ្រប់គ្រងហានិភ័យជាតិ ត្រូវបានបញ្ជូនទៅកាន់ទីតាំង និងបានអនុវត្តវិធានការសុវត្ថិភាពបន្ទាន់។ អាជ្ញាធរបានគ្រប់គ្រងអគ្គិភ័យបាន ហើយមិនទាន់មានសេចក្តីរាយការណ៍ពីអ្នករងរបួសឡើយ។
មូលហេតុនៃអគ្គិភ័យនេះ មិនទាន់ត្រូវបានបញ្ជាក់ ដោយអាជ្ញាធរនៅឡើយ៕
