ប្រធានាធិបតីអាមេរិក លោក Donald Trump បានរងការរិះគន់ពីមេដឹកនាំកាលីហ្វ័រញ៉ា និងមន្ត្រីមួយចំនួន បន្ទាប់ពីលោកនិយាយនៅក្នុងការជួបជុំអ្នកគាំទ្រនៅរដ្ឋ Nebraska ថា អ៊ីរ៉ង់អាចកម្ទេចទីក្រុងធំៗដូចជា Los Angeles ឬ San Diego ប្រសិនបើសង្គ្រាមនៅតែបន្ត។
ប្រភពពីសារព័ត៌មានCNA នៅថ្ងៃទី៧ខែតុលា។
លោក Trump បាននិយាយថា ការឡើងថ្លៃប្រេង ឥន្ធនៈ ជីកសិកម្ម និងទំនិញផ្សេងៗ ដោយសារសង្គ្រាម គឺជាតម្លៃតូចមួយដែលត្រូវបង់ ដើម្បីរក្សាសន្តិសុខអាមេរិក និងពិភពលោក។ លោកក៏អះអាងថា សង្គ្រាមនឹងបញ្ចប់ក្នុងពេលឆាប់ៗនេះ។
សេតវិមានបានការពារសម្តីរបស់លោក Trump ដោយនិយាយថា លោកកំពុងសំដៅថា ទីក្រុងអាមេរិកអាចប្រឈមការគំរាមកំហែង ប្រសិនបើអ៊ីរ៉ង់មានអាវុធនុយក្លេអ៊ែរ ហើយអះអាងថា អាមេរិកមានសុវត្ថិភាពជាងមុន។
ប៉ុន្តែអភិបាលរដ្ឋកាលីហ្វ័រញ៉ា លោក Gavin Newsom បានរិះគន់លោក Trump យ៉ាងខ្លាំង ដោយហៅសម្តីនេះថា គ្រោះថ្នាក់ និងមិនសមហេតុផល។ លោកក៏បានលើកឡើងពីការដែលរដ្ឋាភិបាល Trump ធ្លាប់បញ្ជូនកងកម្លាំង National Guard និងទាហានម៉ារីនទៅកាន់កាលីហ្វ័រញ៉ា។
ការរិះគន់នេះកើតឡើង ខណៈរដ្ឋកាលីហ្វ័រញ៉ាកំពុងចាប់ផ្តើម ការបោះឆ្នោតមុនថ្ងៃកំណត់ ហើយភាពតានតឹងនយោបាយរវាងលោក Trump និងមេដឹកនាំប្រជាធិបតេយ្យក្នុងរដ្ឋនេះនៅតែបន្ត៕
