នៅថ្ងៃពុធទី២១.១០.២០២៦ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រាប់អ្នកតំណាងពិសេសរបស់សហរដ្ឋអាមេរិក លោក ស្ទីវ វីតកូហ្វ (Steve Witkoff) ក្នុងអំឡុងពេលកិច្ចពិភាក្សាមួយថា ទីក្រុងមូស្គូត្រៀមខ្លួនរួចរាល់ ក្នុងការបន្តកិច្ចចរចាសន្តិភាពត្រីភាគីស្តីពីអ៊ុយក្រែន ឡើងវិញ នៅខែវិច្ឆិកាខាងមុខ!។
សារព័ត៌មានAnadolu។
លោក អ៊ូសាកូវ បានប្រាប់អ្នកសារព័ត៌មាននៅក្នុងទីក្រុង សាំងពេទឺប៊ឺគ (St. Petersburg) នៃប្រទេសរុស្ស៊ីថា៖«ប្រធានាធិបតីរបស់យើងបានជម្រាបលោក ស្ទីវ វីតកូហ្វ ថា ជាគោលការណ៍ យើងត្រៀមខ្លួនរួចរាល់ក្នុងការបន្តកិច្ចចរចាត្រីភាគីដែលបានលើកឡើងខាងលើនេះឡើងវិញ នៅជុំវិញថ្ងៃទី ១០ ខែវិច្ឆិកា»។
គួររំលឹកថា នៅទីក្រុងនេះដែរ លោក ពូទីន បានទទួលជួបអ្នកតំណាងអាមេរិក ដើម្បីពិភាក្សាគ្នាអស់រយៈពេលប្រហែល ៣ ម៉ោង កាលពីថ្ងៃពុធ។
លោក អ៊ូសាកូវ បញ្ជាក់ថា ការត្រៀមខ្លួនរបស់ទីក្រុងមូស្គូសម្រាប់កិច្ចចរចាត្រីភាគីនេះ គឺផ្តោតសំខាន់លើបញ្ហានៃការកសាង«ប្រព័ន្ធសន្តិសុខ»ក្រោយសង្គ្រាម សម្រាប់ទាំងទីក្រុងមូស្គូ និងទីក្រុងគៀវ (Kyiv)។
លោកបានបន្ថែមថា ស្ថានភាពជុំវិញប្រទេសអ៊ុយក្រែន គឺជាប្រធានបទស្នូលនៃកិច្ចពិភាក្សានេះ។
លោក អ៊ូសាកូវ បានឱ្យដឹងទៀតថា លោក ពូទីន បានកោតសរសើរចំពោះកិច្ចខិតខំប្រឹងប្រែងសម្របសម្រួលរបស់រដ្ឋបាលអាមេរិកបច្ចុប្បន្ន ពាក់ព័ន្ធនឹងសង្គ្រាមដែលកំពុងបន្តកើតមាន។
លើសពីនេះ លោក ពូទីន ក៏បានបញ្ជាក់ប្រាប់លោក វីតកូហ្វ ដែរថា រុស្ស៊ីត្រៀមខ្លួនជួយសម្រួលដល់ការស្វែងរកដំណោះស្រាយនយោបាយ និងការទូត ចំពោះស្ថានភាពជុំវិញប្រទេសអ៊ីរ៉ង់។
លោក អ៊ូសាកូវ ថា៖ «លោក វ្ល៉ាឌីមៀ ពូទីន បានសង្កត់ធ្ងន់ថា ឱកាសសម្រាប់ការទូតនៅតែមានច្រើន ហើយវានៅតែអាចទៅរួច និងចាំបាច់ក្នុងការឈានដល់កិច្ចព្រមព្រៀងជាមួយទីក្រុងតេអេរ៉ង់ (Tehran) ដែលជាដៃគូយុទ្ធសាស្ត្ររបស់យើង»។
លោក អ៊ូសាកូវ ក៏បានលើកឡើងដែរថា លោក វីតកូហ្វ បានរាយការណ៍ជូនលោក ពូទីន អំពីខ្លឹមសារនៃកិច្ចពិភាក្សាដែលលោកបានចូលរួមនៅថ្ងៃអង្គារ ក្នុងទីក្រុងអូស្លូ (Oslo) រដ្ឋធានីនៃប្រទេសន័រវែស ដែលក្នុងនោះមានវត្តមានរបស់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី (Volodymyr Zelenskyy) ផងដែរ។ លោក វីតកូហ្វ ក៏បានលើកឡើងថា ការសម្រេចចិត្តរបស់ទីក្រុងមូស្គូក្នុងការដោះលែងពលរដ្ឋអាមេរិក លោក ស្ទីវិន ហាប់បាដ (Stephen Hubbard) នឹងត្រូវបានទទួលស្គាល់ និងកោតស៕
