(ភ្នំពេញ)៖ លោកស័ក្ដិ៥ទាហាន គាត សារ៉េត បានរងការចោទប្រកាន់ថា “ឆបោក”ប្រាក់គ្រូបង្រៀនម្នាក់អស់ចំនួន២២.៥០០ដុល្លារ ជាថ្នូរនឹងរត់ការចូលក្របខ័ណ្ឌទាហាន នៃក្រសួងការពារជាតិ!។
*នេះបើយោងតាមលិខិតសុំកិច្ចអន្តរាគមន៍ ចំនួន២ច្បាប់ផ្សេងគ្នា ចុះថ្ងៃទី៣១.០៨.២០២៦!។
ទី១៖ គោរពជូន នាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកម្ម ពិសេស និងជាអគ្គលេខាធិការសមាគមអតីតយុទ្ធជន និងនិវត្តន៍ជនកម្ពុជា.!
២៖ គោរពជូន នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ..!។
*ករណីនេះលោក គាត សារ៉េត មិនលើកទូរស័ព្ទ!។
*យោងពាក្យសុំអន្តរាគមន៍ បានឱ្យ”ដើមរាំង”ដឹងថា ជនរងគ្រោះឈ្មោះ អ៊ុច ប៊ុនធឿន ភេទប្រុស អាយុ៣៦ឆ្នាំ នៅផ្ទះលេខ១២ ផ្លូវលំ ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ជានាយករងវិទ្យាល័យអប់រំពិសេសភ្នំពេញថ្មី។
*រីឯមន្ត្រីដែលរងការចោទប្រកាន់គឺលោកវរសេនីយ៍ឯក គាត សារ៉េត
*ទាក់ទិនរឿងនេះលោក អ៊ុច ប៊ុនធឿន
បានប្រាប់”ដើមរាំង”ថា លោកស័ក្តិ៥ គាត សារ៉េត គឺពិតជាបានយកឈ្មោះឯកឧត្តមឧត្តមសេនីយ៍ឯក ច័ន្ទ សុភក្ត្រា អនុរដ្ឋលេខាធិការ ក្រសួងការពារជាតិ មកប្រើដើម្បី”ឆបោកប្រាក់”ខ្លួនអស់ចំនួន២២.៥០០$(ពីរម៉ឺនពីរពាន់ប្រាំរយដុល្លារ)ប្រាកដមែន! ជាថ្នូរនឹងរត់ការចូលក្របខ័ណ្ឌទាហាននៃក្រសួងការពារជាតិ កាលពីអំឡុងឆ្នាំ២០២៣ លុះរត់ការបរាជ័យ បែរជាលោក គាត សារ៉េត មិនព្រមសងលុយវិញ.!!។
*លោក អ៊ុច ប៊ុនធឿន បន្តថា ក្នុងពេលនោះលោក គាត សារ៉េត បាននិយាយបញ្ចុះបញ្ចូលនិងអះអាងថា រូបគាត់(គាត សារ៉េត)ស្ទាត់ជំនាញក្នុងការរត់ការបញ្ចូលក្របខ័ណ្ឌទាហាន ហើយលុយទាំងនេះ គឺយកទៅប្រគល់ឱ្យឯកឧត្តម ច័ន្ទ សុភក្ត្រា ជាថ្នូរនឹងបញ្ចូលក្របខ័ណ្ឌ.យ៉ាងយូរ១ខែកន្លះនឹងសម្រេចដូចបំណង.!។
ដោយការជឿទុកចិត្តលោក អ៊ុច ប៊ុនធឿន ក៏បានប្រគល់លុយឱ្យលោក គាត សារ៉េត តាមការព្រមព្រៀងដែលបាននិយាយគ្នា.!។
គ្រាន់តែលុយចំនួន២២.៥០០$ នោះ គឺបាន”បង្វែរធ្វើជាកិច្ចសន្យាខ្ចីប្រាក់រវាងខ្លួននិងលោក គាត សារ៉េត”ប៉ុន្តែការពិតជាលុយរត់ការបញ្ចូលក្របខ័ណ្ឌទាហាននោះទេ.!!។
លោក អ៊ុច ប៊ុនធឿន បញ្ជាក់និងអះអាងថា អំពើឆបោកនេះ គឺលោក គាត សារ៉េត បានរៀបចំជាប្រព័ន្ធ ដោយសំអាងមានឯកឧត្តម ច័ន្ទ សុភក្ត្រា ជាខ្នងបង្អែក!។
*ដើម្បីឱ្យមានចម្លើយទាំងសងខាងនៅល្ងាចថ្ងៃទី២០.១០.២០២៦”ដើមរាំង”បានព្យាយាមសុំការបំភ្លឺពីលោកវរសេនីយ៍ឯក គាត សារ៉េតប៉ុន្តែទូរស័ព្ទចូលហើយគ្មានអ្នកទទួល.!។
*រីឯលោកឧត្តមសេនីយ៍ឯក ច័ន្ទ សុភក្ត្រា
បានថ្លែងប្រាប់”ដើមរាំង”ថា ខ្ញុំសូមបដិសេធចោលទាំងស្រុង.រាល់ការចោទប្រកាន់ខាងលើ!។
លោកឧត្តមសេនីយ៍ឯកបន្តថា ខ្ញុំគ្មានពាក់ព័ន្ធឬទទួលលុយពីអ្នករត់ការបញ្ចូលក្របខ័ណ្ឌអ្វីទេ.!។
លោក ច័ន្ទ សុភក្ត្រា ព្រមានថា ទាំងលោក គាត សារ៉េត រួមនិងដើមបណ្ដឹងសូមកុំទាញរូបលោក ទៅពាក់ព័ន្ធនិងអំពើ”ឆបោក”បើមិនដូច្នេះទេ លោកនឹងប្ដឹងមិនខាន.!!។
លោក ច័ន្ទ សុភក្ត្រា អះអាងថា លោក គាត សារ៉េត ពុំមែនជាកូនចៅរបស់លោកឡើយ.ហើយលុយដែលលោក គាត សារ៉េត ប្រគល់មកឱ្យខ្លួនកាលពីកន្លងទៅ ជាលុយសង! ពុំមែនជាលុយរត់ការអ្វីទេ ខណៈលោក គាត សារ៉េត នៅជំពាក់ប្រាក់លោក ប្រមាណជា២០.០០០ដុល្លារទៀត ដែលមិនទាន់សងអស់.!។
*ទោះជាយ៉ាងណាក្ដីលោក អ៊ុច ប៊ុនធឿន និងក្រុមគ្រួសារសុំស្នើយ៉ាងទទូចដល់ ឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកម្មពិសេស និងជាអគ្គលេខាធិការសមាគមអតីតយុទ្ធជននិងនិវត្តន៍ជនកម្ពុជា ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តាចាត់វិធានការលើលោកស័ក្ដិ៥ គាត សារ៉េត កុំឱ្យមានការយោគយល់ឱ្យសោះ! នឹងជួយរកយុត្តិធម៌ឱ្យខ្លួន ដោយក្ដីអនុគ្រោះ ដោយផ្អែកថា ទង្វើរបស់លោក គាត សារ៉េត ខាងលើជាចេតនាទុច្ចរិតគៃបំបាត់ បណ្ដាលឱ្យខ្លួនរងការខាតបង់យ៉ាងធ្ងន់ធ្ងរ និងមិនអាចទទួលយកបាន៕
