(ហ្សាការតា)៖ នៅថ្ងៃអង្គារ(ទី២០ ខែតុលា ឆ្នាំ២០២៦) ប្រជាជនឥណ្ឌូនេស៊ី បានធ្វើបាតុកម្មនៅក្នុងទីក្រុងជាច្រើន។
ដោយសម្តែងការខឹងសម្បារចំពោះបញ្ហាភ្លើងឆេះព្រៃ និងផ្សែងពុល ដែលបានធ្វើឱ្យមនុស្សរាប់ពាន់នាក់ ធ្លាក់ខ្លួនឈឺអស់រយៈពេលជាច្រើនសប្តាហ៍មកហើយ។
វិបត្តិមួយនេះកំពុងជះឥទ្ធិពលយ៉ាងធ្ងន់ធ្ងរ ដល់តំបន់អាស៊ីអាគ្នេយ៍ទាំងមូល។
សារព័ត៌មានCNA។
បាតុកម្មនេះ ត្រូវបានផ្តួចផ្តើមឡើងដោយក្រុមនិស្សិត ដើម្បីបង្ហាញពីការមិនពេញចិត្ត ចំពោះរដ្ឋាភិបាលរបស់ប្រធានាធិបតី ប្រាបូវូ ស៊ូប៊ីអានតូ (Prabowo Subianto) ដែលគិតត្រឹមថ្ងៃអង្គារនេះ គឺជារយៈពេល២ ឆ្នាំហើយនៃការកាន់តំណែងរបស់លោក។
ក្នុងការតវ៉ានៅរដ្ឋធានីហ្សាការតា ក៏ដូចជានៅទីក្រុង Bandung និង Yogyakarta (លើកោះជ្វា) ទីក្រុង Pekanbaru (លើកោះស៊ូម៉ាត្រា) និងទីក្រុង Makassar (នៅតំបន់ Sulawesi ខាងត្បូង) អ្នកចូលរួមបានរិះគន់យ៉ាងខ្លាំងចំពោះភាពគ្មានសមត្ថភាព និងអំពើពុករលួយ។
មនុស្សជាច្រើន បានចង្អុលបង្ហាញជាពិសេស ទៅលើភាពបរាជ័យក្នុងការទប់ស្កាត់ និងពន្លត់ភ្លើងឆេះព្រៃ ដែលបានបំផ្លាញផ្ទៃដីយ៉ាងធំធេងនៅលើកោះ Borneo និងកោះ Sumatra ចាប់តាំងពីខែកក្កដាមក។
នេះគឺជាខ្លឹមសារ នៅលើបដាមួយដែលអ្នកតវ៉ាម្នាក់បានលើកឡើងនៅក្នុងទីក្រុងហ្សាការតា អ្នកតវ៉ាម្នាក់ទៀតបាននិយាយថា៖«ខ្ញុំមានសិទ្ធិដកដង្ហើម។ សូមពន្លត់ភ្លើងទាំងនេះជាបន្ទាន់»។
ប្រជាពលរដ្ឋនៅក្នុងទីក្រុង Palangkaraya លើកោះ Borneo បានប្រាប់ទីភ្នាក់ងារសារព័ត៌មាន AFP អំពីភាពអស់សង្ឃឹមរបស់ពួកគេ។
អ្នកស្រី Melsi ដែលជាអ្នកលក់ភេសជ្ជៈតាមចិញ្ចើមផ្លូវវ័យ៤០ឆ្នាំ បាននិយាយថា៖«ផ្សែងពុលនេះពិតជាអាក្រក់ខ្លាំងណាស់។
ការលក់ដូរគឺស្ងាត់ជ្រងំ តម្លៃទំនិញឡើងថ្លៃឥតឈប់ឈរ ប៉ុន្តែពួកយើងគ្មានចំណូលសោះ»។
អ្នកស្រីបានយំខណៈពេលកំពុងនិយាយជាមួយ AFP អ្នកស្រី Melsi បានបន្តថា៖ «តើពួកយើងអាចធ្វើអ្វីបាន? ពួកយើងគ្រាន់តែជាប្រជាជនសាមញ្ញធម្មតា មិនអាចធ្វើអ្វីបានក្រៅពីសង្ឃឹមថា រដ្ឋាភិបាលនឹងដោះស្រាយបញ្ហានេះ»។
ចំណែកអ្នកស្រី Sifra អាយុ២៩ឆ្នាំ ដែលជាស្ត្រីមេផ្ទះម្នាក់ បាននិយាយថា ស្វាមី និងកូនៗទាំងពីរនាក់របស់អ្នកស្រី បានកើតអាការៈក្អកអស់រយៈពេលមួយខែមកហើយ។
អ្នកស្រីរៀបរាប់ថា៖ «ទោះបីនៅក្នុងផ្ទះក៏ដោយ ក៏ផ្សែងនៅតែអាចចូលមកដល់។ និយាយឱ្យត្រង់ទៅ ចាប់តាំងពីមានផ្សែងពុលនេះមក ខ្ញុំមានអារម្មណ៍ឈឺចាប់ពេញរាងកាយ ហាក់ដូចជាត្រូវបានគេវាយដំយ៉ាងដូច្នោះដែរ។
ប្រព័ន្ធភាពស៊ាំក្នុងរាងកាយក៏ចុះខ្សោយ ហើយខ្ញុំងាយនឹងកើតអាការៈក្អក និងផ្តាសាយណាស់»។
អ្នកស្រី Sifra (ដែលដូចជាជនជាតិឥណ្ឌូនេស៊ីជាច្រើនទៀតដែរ គឺមានឈ្មោះតែមួយម៉ាត់) បានអំពាវនាវឱ្យរដ្ឋាភិបាលបង្កើនកិច្ចខិតខំប្រឹងប្រែងបន្ថែមទៀត។
ការអំពាវនាវនេះក៏ស្របទៅនឹងសំណើរបស់ក្រុមអ្នកតវ៉ារាប់សិបនាក់នៅក្នុងទីក្រុង Palangkaraya កាលពីថ្ងៃចន្ទ ដែលបានទាមទារឱ្យរដ្ឋ ប៉ូលិសបានឃាត់ខ្លួនសកម្មជនចំនួន ៦នាក់ ដែលបានព្យួរផ្ទាំងបដាតវ៉ារបស់អង្គការ Greenpeace នៅលើវិមានមួយត្រង់រង្វង់មូល Bundaran HI ក្នុងទីក្រុងហ្សាការតា កាលពីព្រឹកថ្ងៃអង្គារ មុនពេលមានការដើរហែក្បួនរបស់និស្សិត។ នេះបើតាមការបញ្ជាក់របស់លោកស្រី Jeanny Sirait ដែលជាអ្នកធ្វើការងារយុទ្ធនាការឱ្យអង្គការក្រៅរដ្ឋាភិបាលមួយនេះ៕
