ហ្ស៊កដានី និងស៊ីរី បានព្រមព្រៀងបង្កើតគណៈកម្មការសន្តិសុខរួម ដើម្បីពិនិត្យលម្អិត និងផលប៉ះពាល់ពីការវាយប្រហារតាមអាកាសរបស់ហ្ស៊កដានី លើទីតាំងក្រុមរដ្ឋអ៊ីស្លាម (ISIS) ក្នុងប្រទេសស៊ីរី។ នេះបើយោងតាមសេចក្តីថ្លែងការណ៍រួមរបស់ក្រសួងការបរទេសប្រទេសទាំងពីរ កាលពីព្រឹកថ្ងៃពុធ ទី២៨ ខែតុលា ឆ្នាំ២០២៦។
សារព័ត៌មានReuter។
រដ្ឋមន្ត្រីការបរទេសហ្ស៊កដានី លោក អៃម៉ាន់ សាហ្វាឌី បានប្រាប់សមភាគីស៊ីរី លោក អាសាដ អាល់-សៃបានី ថា ការវាយប្រហារកាលពីថ្ងៃអង្គារ ត្រូវបានធ្វើឡើងដោយផ្អែកលើព័ត៌មានស៊ើបការណ៍ពីស្ថានការណ៍នៅទីតាំងផ្ទាល់។ គោលបំណងគឺដើម្បីបង្ការការគំរាមកំហែង និងការវាយប្រហារដែលអាចកើតឡើងប្រឆាំងនឹងសន្តិសុខរបស់ហ្ស៊កដានី។
ទោះជាយ៉ាងណា លោកសាហ្វាឌីបានសម្តែងការសោកស្តាយយ៉ាងខ្លាំងចំពោះការស្លាប់ជនស៊ីវិលក្នុងប្រតិបត្តិការនេះ។
តាមសេចក្តីរាយការណ៍ ការវាយប្រហារមួយនៅទីក្រុងអាល់-មីស្មីយ៉ា ក្នុងខេត្តដារ៉ា ភាគខាងត្បូងប្រទេសស៊ីរី បានសម្លាប់សមាជិកគ្រួសារមួយចំនួន រួមទាំងកុមារ ៣ នាក់ផងដែរ។
ការបង្កើតគណៈកម្មការសន្តិសុខរួមនេះ មានគោលបំណងពិនិត្យមើលហេតុការណ៍ និងផលវិបាកនៃការវាយប្រហារ ខណៈប្រទេសទាំងពីរបន្តពិភាក្សាអំពីបញ្ហាសន្តិសុខនៅតាមព្រំដែន៕
