អនុប្រធានាធិបតីអាមេរិក លោក JD Vance បានបញ្ជាក់កាលពីថ្ងៃព្រហស្បតិ៍ទី២៩ ខែតុលា ថាសហរដ្ឋអាមេរិកនឹងមិនធ្វើសង្គ្រាមអូសបន្លាយជាមួយអ៊ីរ៉ង់ដោយគ្មានទីបញ្ចប់នោះទេ។ លោកក៏បានបង្ហាញជំនឿថា ប្រធានាធិបតី Donald Trump នឹងសម្រេចបានគោលដៅដែលរដ្ឋាភិបាលអាមេរិកបានកំណត់។
សារព័ត៌មានTRT World។
ក្នុងបទសម្ភាសន៍ជាមួយសារព័ត៌មាន Fox News លោក Vance បាននិយាយថា លោក Trump នឹងមិនអនុញ្ញាតឱ្យសង្គ្រាមនេះបន្តអូសបន្លាយដោយគ្មានទីបញ្ចប់ឡើយ។ នៅពេលសម្រេចបានគោលដៅរបស់អាមេរិកហើយ រដ្ឋាភិបាលនឹងងាកទៅផ្តោតលើការងារផ្សេងទៀត។
លោកក៏បានលើកឡើងថា ការរិះគន់ចំពោះការចូលរួមសង្គ្រាមយោធានៅបរទេសដែលបរាជ័យ មិនមានន័យថា អាមេរិកមិនអាចប្រើប្រាស់កម្លាំងយោធាក្នុងករណីចាំបាច់នោះទេ។
ការលើកឡើងនេះកើតឡើង ខណៈភាពតានតឹងរវាងអាមេរិក និងអ៊ីរ៉ង់នៅតែបន្ត ជុំវិញស្ថានការណ៍នៅច្រកសមុទ្រHormuz និងការចរចាដែលមិនទាន់ទទួលបានលទ្ធផល៕
