សហរដ្ឋអាមេរិកបានឱ្យដឹងថា រដ្ឋមន្ត្រីការបរទេសអាមេរិក លោក Marco Rubio និងរដ្ឋមន្ត្រីការបរទេសចិន លោក Wang Yi បានឯកភាពគ្នាលើសារៈសំខាន់នៃការជួបពិភាក្សាកម្រិតមេដឹកនាំ ដើម្បីជំរុញសន្តិភាព និងការរំសាយអាវុធនុយក្លេអ៊ែរ។
សារព័ត៌មានReuter នៅថ្ងៃទី១២ខែវិច្ឆិកា។
ការឯកភាពនេះធ្វើឡើងក្នុងកិច្ចសន្ទនាតាមទូរស័ព្ទកាលពីថ្ងៃពុធ ទី១១ ខែវិច្ឆិកា ឆ្នាំ២០២៦ ដោយភាគីទាំងពីរបានពិភាក្សាអំពីដំណើរទស្សនកិច្ចរបស់ប្រធានាធិបតីអាមេរិក លោក Donald Trump ទៅកាន់ប្រទេសចិន ដើម្បីចូលរួមកិច្ចប្រជុំកំពូល APEC នៅសប្ដាហ៍ក្រោយ និងដំណើរទស្សនកិច្ចរបស់ប្រធានាធិបតីចិន លោក Xi Jinping ទៅកាន់រដ្ឋផ្លរីដា សហរដ្ឋអាមេរិក នៅខែក្រោយ ដើម្បីចូលរួមកិច្ចប្រជុំកំពូល G20។
ជាមួយគ្នានេះ លោក Rubio ក៏បានបង្ហាញពីបំណងរៀបចំកិច្ចប្រជុំត្រីភាគីរវាងសហរដ្ឋអាមេរិក ចិន និងរុស្ស៊ី ដើម្បីពិភាក្សាអំពីសន្តិភាព និងការរំសាយអាវុធនុយក្លេអ៊ែរផងដែរ។
ទោះជាយ៉ាងណា ភាគីចិនហាក់មិនសូវបង្ហាញចំណាប់អារម្មណ៍ខ្លាំងលើការពិភាក្សាអំពីការរំសាយអាវុធនុយក្លេអ៊ែរដូចសហរដ្ឋអាមេរិកនោះទេ៕
