ប្រធានាធិបតីនៃប្រទេសចិន រុស្ស៊ី និងសហរដ្ឋអាមេរិក បានចេញ«សេចក្តីថ្លែងការណ៍ឆ្ពោះទៅរកសន្តិភាព» រួមគ្នាមួយកាលពីថ្ងៃព្រហស្បតិ៍ទី១៩.១១.២០២៦ បន្ទាប់ពីកិច្ចប្រជុំកំពូលត្រីភាគីជាប្រវត្តិសាស្ត្ររបស់ពួកគេនៅទីក្រុងសិនជិន ប្រទេសចិន។
១.ក្នុងនាមជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ប្រទេសចិន រុស្ស៊ី និងសហរដ្ឋអាមេរិក បានប្តេជ្ញាធ្វើកំណែទម្រង់ អង្គការសហប្រជាជាតិ ដើម្បីឱ្យស្ថាប័ននេះអាចឆ្លើយតបទៅនឹងបញ្ហាប្រឈមសកលលោក បានកាន់តែមានប្រសិទ្ធភាព និងស្របតាមបេសកកម្មស្នូលរបស់ខ្លួន គឺការរក្សាសន្តិភាព និងសន្តិសុខអន្តរជាតិ។
២.ប្រទេសទាំងបី គ្រោងនឹងបង្កើនការផលិត និងការផ្គត់ផ្គង់ផលិតផលប្រេងឥន្ធនៈ ដែលបានចម្រាញ់រួច ដើម្បីជាប្រយោជន៍ដល់ប្រជាជាតិទាំងអស់។ ពួកគេបានបញ្ជាក់ជា ថ្មីអំពីសារៈសំខាន់នៃលំហូរថាមពលប្រកបដោយស្ថិរភាព។
៣.ប្រមុខរដ្ឋទាំងបី បានទទួលស្គាល់ថា គោលការណ៍នៃការយល់ព្រមរបស់រដ្ឋ និងការគោរពចំពោះអភ័យឯកសិទ្ធិរបស់មន្ត្រីរដ្ឋ។
គឺមានសារៈសំខាន់បំផុត ហើយបានឯកភាពគ្នាថា តុលាការព្រហ្មទណ្ឌអន្តរជាតិ និងស្ថាប័នផ្សេងទៀតដែលមានលក្ខណៈស្រដៀងគ្នា មិនត្រូវរំលោភលើដែនសមត្ថកិច្ចរបស់ខ្លួនឡើយ។
៤.ប្រមុខរដ្ឋទាំងបី បញ្ជាក់ជាថ្មីថា សង្គ្រាមនុយក្លេអ៊ែរ មិនអាចមានអ្នកឈ្នះឡើយ ហើយមិនត្រូវឱ្យកើតមានឡើងជាដាច់ខាត។
ប្រទេសទាំងបី នឹងធ្វើកិច្ចសន្ទនាគ្នាអំពីការកាត់បន្ថយហានិភ័យនុយក្លេអ៊ែរ និងការទប់ស្កាត់ការរីករាលដាលនៃអាវុធនុយក្លេអ៊ែរ៕

