ការវាយប្រហារតាមអាកាសរបស់អ៊ីស្រាអែលបានបន្តកើតឡើងយ៉ាងធ្ងន់ធ្ងរនៅលើតំបន់ហ្គាហ្សា នៅពេលដែលប្រជាជនប៉ាឡេស្ទីនរាប់រយរងទុក្ខដោយសារការជួញដូរនិងស្ថានភាពអាកាសធាតុរដូវរងាដែលធ្វើឱ្យជំរំជនភៀសខ្លួនជន់លិច។
ប្រភពពីសារព័ត៌មានAl Jazeera នៅថ្ងៃទី ១៦ ខែវិច្ឆិកា ២០២៥។
យោធាអ៊ីស្រាអែលបានកំណត់គោលដៅបាញ់ប្រហារនៅភាគខាងកើតនៃទីក្រុង Khan Younis និងក្នុងសង្កាត់ Zeitoun នៃទីក្រុងហ្គាហ្សា។ អ៊ីប្រាហ៊ីម អាល់-ខាលីលី អ្នកសារព័ត៌មាននៅទីក្រុងហ្គាហ្សា បញ្ជាក់ថា ទីតាំងជាច្រើននៅជិត ខ្សែបន្ទាត់ពណ៌លឿងនៅតែស្ថិតក្រោមការគ្រប់គ្រងយោធាអ៊ីស្រាអែលត្រូវបានវាយប្រហារដោយគ្រាប់បែកជាប់ៗគ្នា។
អាល់-ខាលីលី បាននិយាយថាស្ថានភាពកាន់តែអាក្រក់ទៅៗសម្រាប់គ្រួសារដែលរស់នៅជិតព្រំដែនពណ៌លឿងនេះ រួមទាំងគ្រួសាររបស់ខ្ញុំផងដែរ។យើងនៅជិតតែពីរបីម៉ែត្រពីតំបន់ដែលអ៊ីស្រាអែលតាំងខ្លួន ហើយការបាញ់ប្រហារបានបង្កភាពភ័យស្លន់ស្លោរៀងរាល់ថ្ងៃ។
ភ្លៀងធ្លាក់ខ្លាំងបានធ្វើឱ្យជំរំជនភៀសខ្លួនជាច្រើនជន់លិច បណ្តាលឱ្យគ្រួសាររាប់ពាន់ត្រូវរស់នៅក្នុងដំណាក់កាលកាន់តែអាក្រក់។ អង្គការសហប្រជាជាតិព្រមានថា ការរឹតបន្តឹងលើជំនួយមនុស្សធម៌មានន័យថាគ្រួសាររាប់រយរាប់ពាន់មិនមានជម្រកគ្រប់គ្រាន់៕