កាលពីថ្ងៃទី 25 វិច្ឆិកា 2025 ក្រសួងការពារជាតិជប៉ុនបានប្រកាសថាខ្លួនបានបញ្ជូនយន្តហោះចម្បាំងឡើងអាកាសជាបន្ទាន់ បន្ទាប់ពីរកឃើញដ្រូនមួយគ្រឿងដែលសង្ស័យថាជារបស់ចិន ហោះនៅជិតកោះ Yonaguni ដែលជាកោះសំខាន់ក្នុងតំបន់។
ប្រភពពីសារព័ត៌មានAnadolu Agency។
យោងតាមការបញ្ជាក់ដែលបានផ្សាយផ្លូវការលើបណ្តាញសង្គម X ក្រសួងការពារជាតិជប៉ុនបាននិយាយថា ដ្រូនដែលសង្ស័យថាជារបស់ចិន បានឆ្លងកាត់លំហអាកាសរវាងកោះ Yonaguni និងតៃវ៉ាន់កាលពីថ្ងៃចន្ទ។
ក្នុងការឆ្លើយតប នាយទាហានអាកាសបានប្រញាប់ប្រញាល់យន្តហោះចម្បាំងរបស់ខ្លួនឡើងស្ទាក់ចាប់ និងតាមដានចលនារបស់ដ្រូន។
រហូតមកដល់ពេលនេះ រដ្ឋាភិបាលចិនមិនទាន់ធ្វើសេចក្តីថ្លែងការណ៍ឆ្លើយតបទៅនឹងការអះអាងរបស់ជប៉ុនទេ។
សូមបញ្ជាក់ថា៖ កោះ Yonaguni ជាកន្លែងសំខាន់មួយសម្រាប់ការតាមដានសកម្មភាពយោធាចិននៅជុំវិញតៃវ៉ាន់។ ការកើតឡើងករណីយន្តហោះគ្មានមនុស្សបើកសង្ស័យថាជារបស់ចិននេះ កាន់តែជំរុញឱ្យមានការព្រួយបារម្ភអំពីស្ថានភាពសន្តិសុខនៅតំបន់ Indo-Pacific ដែលមានភាពតានតឹងកើនឡើងជាបន្តបន្ទាប់៕