ចំនួនអ្នកស្លាប់ដោយសារអគ្គីភ័យ នៅទីក្រុងហុងកុង បានកើនឡើងដល់៩៤នាក់ហើយ គិតត្រឹមថ្ងៃទី២៨.១១.២០២៥។
ខណៈអាជ្ញាធរខំទប់ស្កាត់ អគ្គីភ័យដ៏សាហាវបំផុត ដែលបានឆាបឆេះអគារលំនៅដ្ឋានមួយកន្លែងនៅតៃប៉ូ។
ប្រភពពីសារព័ត៌មានAnadolu Agency។
រហូតមកដល់ពេលនេះ មនុស្ស៩៤នាក់បានស្លាប់ ដែលក្នយងនោះម្នាក់ជាអ្នកពន្លត់អគ្គីភ័យ និង៧៦នាក់ផ្សេងទៀតបានរងរបួស ក្នុងនោះមានអ្នកពន្លត់អគ្គីភ័យ១១នាក់ នេះបើយោងតាមកាសែត South China Morning Post។
មុននេះ កាសែតប្រចាំថ្ងៃបានរាយការណ៍ថា មនុស្សជិត៣០០នាក់នៅតែបាត់ខ្លួនបន្ទាប់ពីហេតុការណ៍នេះ។
លោក John Lee នាយកប្រតិបត្តិទីក្រុងហុងកុង បាននិយាយពីមុនថា អគ្គីភ័យនៅក្នុងអគារទាំងប្រាំពីរត្រូវបានគ្រប់គ្រងរួចរាល់ហើយ។
អាជ្ញាធរហុងកុងបានសន្យាធ្វើ ស៊ើបអង្កេតពេញលេញ ព្រមទាំងជំរុញឱ្យមានការផ្លាស់ប្ដូរផ្នែកច្បាប់សុវត្ថិភាពសំណង់ ប្រសិនបើត្រូវការ។
ក្រុមសង្គ្រោះនៅតែបន្តដំណើរការនៅពេលយប់ ដើម្បីស្វែងរកអ្នករស់រានមានជីវិតនៅក្នុងកន្លែងកើតហេតុ ដែលក្លាយជាសំណង់ពណ៌ខ្មៅ៕