ប្រធានាធិបតីសហរដ្ឋអាមេរិក លោក Donald Trump កាលពីថ្ងៃសៅរ៍បានប្រកាសថា ដែនអាកាសប្រទេសវេណេស៊ុយអេឡាគួរតែត្រូវបានចាត់ទុកថាបិទទាំងស្រុង។
ប្រភពពីសារព័ត៌មានRoya News នៅថ្ងៃទី៣០ខែវិច្ឆិកា។
ក្នុងសារលើបណ្តាញសង្គម Truth Social លោក Trump បានព្រមានក្រុមហ៊ុនអាកាសចរណ៍ អ្នកបើកយន្តហោះ និងអ្នកជួញដូរគ្រឿងញៀនឬមនុស្សថា ត្រូវប្រុងប្រយ័ត្នខ្ពស់ ព្រោះតំបន់អាកាសជុំវិញវេណេស៊ុយអេឡាត្រូវបានចាត់ទុកថាបិទ។ ទោះជាយ៉ាងណា គាត់មិនបានបញ្ជាក់លម្អិតអំពីវិធានការរបស់រដ្ឋាភិបាលនោះទេ។
រដ្ឋាភិបាលវេណេស៊ុយអេឡា បានថ្កោលទោសសារនេះយ៉ាងខ្លាំង ដោយហៅវាថា ជាការគំរាមកំហែងអាណានិគមនិយមនិងការឈ្លានពានដែលខុសច្បាប់ និងមិនសមហេតុផលលើប្រជាជនវេណេស៊ុយអេឡា។
ការព្រមានរបស់លោក Trump បានប្រកបដោយន័យខ្លាំងជាមួយនឹងការដាក់ពង្រាយកងកម្លាំងយោធាអាមេរិកនៅតំបន់ការ៉ាកាស ដែលរួមមាននាវាផ្ទុកយន្តហោះធំមួយ។ រដ្ឋបាលវ៉ាស៊ីនតោនអះអាងថា គោលបំណងនៃបេសកកម្មនេះគឺដើម្បីទប់ស្កាត់ការជួញដូរគ្រឿងញៀន។
កងកម្លាំងអាមេរិកបានវាយប្រហារនាវារត់ពន្ធជាច្រើនជាង ២០ គ្រឿង ចាប់តាំងពីដើមខែកញ្ញា ដែលបណ្តាលឱ្យមនុស្សយ៉ាងហោចណាស់៨៣នាក់ស្លាប់។
ទោះបីជាយ៉ាងណា រដ្ឋាភិបាលសហរដ្ឋអាមេរិកមិនទាន់បានបង្ហាញភស្តុតាងបញ្ជាក់ថា នាវាទាំងនោះពិតជាកំពុងរត់ពន្ធគ្រឿងញៀននោះទេ។ អ្នកជំនាញមួយចំនួនបានចោទថា ប្រតិបត្តិការនេះជាវិធានសម្លាប់ក្រៅប្រព័ន្ធច្បាប់ទោះបីមានគោលដៅលើបណ្តាញជួញដូរគ្រឿងញៀនក៏ដោយ៕