រដ្ឋមន្ត្រីក្រសួងការពារជាតិអ៊ុយក្រែន លោក Denys Shmyhal កាលពីថ្ងៃចន្ទទី១ខែធ្នូ បានជួបជាមួយអគ្គលេខាធិការណាតូ លោក Mark Rutte នៅទីក្រុងព្រុចសែល ដោយជំរុញឱ្យមានការគាំទ្រការពារដែនអាកាសបន្ថែមទៀត ខណៈដែលការវាយប្រហារដោយមីស៊ីល និងដ្រូនរបស់រុស្ស៊ីនៅតែបន្ត។
ប្រភពពីសារព័ត៌មានReuters។
លោក Shmyhal បាននិយាយនៅលើ Telegram ថា លោកបានថ្លែងអំណរគុណដល់លោក Rutte ចំពោះ ភាពជាអ្នកដឹកនាំ និងការគាំទ្ររបស់លោក និងបានជម្រាបជូនលោកអំពីការអភិវឌ្ឍសមរភូមិ និងតម្រូវការការពារជាតិរបស់អ៊ុយក្រែន។
កិច្ចពិភាក្សានេះផ្តោតលើការពង្រឹងសមត្ថភាពការពារដែនអាកាសរបស់អ៊ុយក្រែន។
លោកបានសង្កត់ធ្ងន់ថា អ៊ុយក្រែនកំពុងបន្តសម្របវិស័យការពារជាតិរបស់ខ្លួនទៅនឹងស្តង់ដារណាតូ និងកំពុងជំរុញគម្រោងរួមគ្នាជាមួយដៃគូ។
គួរជម្រាបថា គំនិតផ្តួចផ្តើម PURL គឺជាកម្មវិធីសហរដ្ឋអាមេរិក-ណាតូ ដែលអនុញ្ញាតឱ្យរដ្ឋជាសមាជិកណាតូនៅអឺរ៉ុប និងកាណាដាផ្តល់មូលនិធិដល់ការទិញអាវុធផលិតដោយអាមេរិកសម្រាប់អ៊ុយក្រែន៕