រដ្ឋាភិបាលរុស្ស៊ី បានប្រកាសថា កងកម្លាំងរបស់ខ្លួន បានដណ្តើមយកទីក្រុង Pokrovsk ដ៏សំខាន់មួយនៅតំបន់ Donetsk ក្រោយពីធ្វើការលោមព័ទ្ធអស់រយៈពេលជិតពីរឆ្នាំ។ ការប្រកាសត្រូវបានបង្ហោះតាម Telegram នៅថ្ងៃចន្ទទី២ ខែធ្នូ ឆ្នាំ២០២៥ ដោយយោងតាមសម្តីរបស់ Valery Gerasimov នាយសេនាធិការរុស្ស៊ី។
ប្រភពពីសារព័ត៌មានAl jazeera នៅថ្ងៃទី២ខែធ្នូ។
រុស្ស៊ីក៏អះអាងថាបានកាន់កាប់ Vovchansk ក្នុងតំបន់ Kharkiv ផងដែរ ដែលជាការរីកចម្រើនថ្មីមួយលើសមរភូមិភាគកើត។
Pokrovsk ដែលធ្លាប់មានប្រជាជនប្រហែល ៦ម៉ឺននាក់ ត្រូវបានវាយប្រហារយ៉ាងតឹងរឹងក្នុងសប្តាហ៍ចុងក្រោយនេះ។ ដ្រូន កាំភ្លើងធំ និងគ្រាប់បែកបានបំផ្លាញអគារជាច្រើននៅក្នុងទីក្រុង។
រុស្ស៊ីបានផ្សព្វផ្សាយវីដេអូដែលបង្ហាញទាហានដើរក្បួនតាមដងផ្លូវក្នុងទីក្រុង និងលើកទង់ជាតិរបស់ខ្លួន។ ទោះយ៉ាងណា ក្រសួងការពារជាតិអ៊ុយក្រែនមិនទាន់បញ្ជាក់អំពីការបាត់បង់ទីក្រុងនេះឡើយ៕