តំបន់អាស៊ីខាងត្បូង និងអាស៊ីអាគ្នេយ៍កំពុងប្រឈមមុខនឹងគ្រោះមហន្តរាយធម្មជាតិធំបំផុតក្នុងរយៈពេលជាច្រើនទសវត្សរ៍ បន្ទាប់ពីព្យុះត្រូពិច និងភ្លៀងធ្លាក់ខ្លាំងបណ្តាលឱ្យមានទឹកជំនន់ និងការរអិលបាក់ដី។ មន្ត្រីបានបញ្ជាក់ថា យ៉ាងហោចណាស់ ១,២៥០នាក់ បានស្លាប់នៅឥណ្ឌូនេស៊ី ស្រីលង្កា និងថៃ ខណៈដែលមនុស្សរាប់រយនាក់ផ្សេងទៀតនៅតែបាត់ខ្លួន។
ប្រភពពីសារព័ត៌មានAl Jazeera នៅថ្ងៃទី ២ ខែធ្នូ ឆ្នាំ ២០២៥។
សាធារណរដ្ឋស្រីលង្កាបានប្រកាសស្ថានភាពអាសន្ន បន្ទាប់ពីទឹកជំនន់ និងការរអិលបាក់ដីបានប៉ះពាល់ដល់ប្រជាជនជាង ១.១ លាននាក់។ នៅប្រទេសឥណ្ឌូនេស៊ី ដែលរងគ្រោះធ្ងន់បំផុត អ្នកសារព័ត៌មានឃើញផ្ទះភូមិជាច្រើនត្រូវបានកប់នៅក្រោមភក់នៅតំបន់ស៊ូម៉ាត្រា ខណៈការសង្គ្រោះនិងស្ដារឡើងវិញត្រូវការពេលយូរ។
បច្ចុប្បន្នភាពអាក្រក់នេះត្រូវបានកើតឡើងជាបន្តបន្ទាប់ ក្នុងពេលដែលប្រទេសជាច្រើនទើបតែជួបប្រទះភ្លៀងធ្លាក់ខ្លាំងរយៈពេលប៉ុន្មានសប្តាហ៍។ ព្យុះទីហ្វុង និងស៊ីក្លូនចំនួនបីរួមមានកូតូ (Koto), សេនយ៉ា (Sanya) និងឌីតវ៉ា (Ditva)បានបន្ថែមភាពខូចខាត ដោយបង្កទឹកជំនន់ភ្លាមៗ និងការបាក់ដីធ្ងន់ធ្ងរ នៅហ្វីលីពីន ឥណ្ឌូនេស៊ី និងស្រីលង្កា។
យោងតាមមន្ត្រីសង្គ្រោះ មនុស្សជាច្រើននៅតែជាប់គាំងនៅតំបន់ជនបទ និងតំបន់ភ្នំ ដែលផ្លូវត្រូវបានលិច និងរអិលបាក់ដីរារាំង។ សហគមន៍ជាច្រើនកំពុងរស់នៅក្នុងស្ថានភាពគ្មានទឹកស្អាត អគ្គិសនី និងម្ហូបអាហារ៕