ប្រទេសវេណេស៊ុយអេឡា កំពុងធ្លាក់ចូលក្នុងស្ថានភាពតានតឹងខ្លាំង បន្ទាប់ពីប្រធានាធិបតី Nicolás Maduro បានប្រកាសបដិសេធយុទ្ធសាស្ត្រសន្តិភាពរបស់សហរដ្ឋអាមេរិក ដែលគាត់ហៅថាជាសន្តិភាពរបស់ទាសករ។
ប្រភពពីសារព័ត៌មានAl jazeera នៅថ្ងៃទី 2 ខែធ្នូ 2025។
នៅមុខហ្វូងមនុស្សរាប់ពាន់នាក់ដែលបានប្រមូលផ្តុំខាងក្រៅវិមាន Miraflores នៅទីក្រុង Caracas កាលពីថ្ងៃចន្ទ មេដឹកនាំវេណេស៊ុយអេឡាបាននិយាយាថាយើងមិនចង់បានសន្តិភាពរបស់ទាសករ ឬសន្តិភាពនៃអាណានិគមទេ។
សូមបញ្ជាក់ថា៖ រដ្ឋបាលប្រធានាធិបតី Donald Trump បានបង្កើនសម្ពាធលើរាជរដ្ឋាភិបាលវេណេស៊ុយអេឡាតាមរយៈការបញ្ជូនកងទ័ពប្រមាណ 15,000 នាក់ទៅតំបន់ការ៉ាប៊ីន និងការដាក់ពង្រាយនាវាមុជទឹក និងនាវាអាកាសយានភាគច្រើនក្នុងតំបន់។
អាមេរិកអះអាងថា ការរឹតបន្តឹងនេះគឺសម្រាប់ប្រយុទ្ធប្រឆាំងការជួញដូរគ្រឿងញៀន ប៉ុន្តែរដ្ឋាភិបាល Caracas និយាយថា វាជាការប្រមូលផ្តុំកម្លាំងដើម្បីផ្តួលរំលំរបប៕