កងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនពីរនាក់នៅក្នុងឧប្បត្តិហេតុដាច់ដោយឡែកពីគ្នានៅក្នុងទីក្រុងហេប្រុន និងរ៉ាម៉ាឡាក្នុងតំបន់វេស្តប៊ែងដែលកាន់កាប់។
ប្រភពពីសារព័ត៌មានAljazeera។
កងទ័ពអ៊ីស្រាអែលបាននិយាយថា យុវជន Muhannad al-Zughair អាយុ17 ឆ្នាំត្រូវបានបាញ់សម្លាប់នៅក្នុងតំបន់ Abu Daajan នៃទីក្រុងហេប្រុន។
ទន្ទឹមនឹងនោះនៅភាគខាងជើងនៃទីក្រុងរ៉ាម៉ាឡា យុវជន Muhammad Asmar អាយុ 18ឆ្នាំ ត្រូវបានសម្លាប់នៅជិតភូមិ Umm Safa បន្ទាប់ពីត្រូវបានចាប់ខ្លួនដោយទាហាន ហើយបាញ់សម្លាប់ដោយទុកចោលឱ្យហូរឈាមអស់ជាច្រើនម៉ោង។
គួរជម្រាបថា នៅទូទាំងតំបន់វេស្តប៊ែងដែលកាន់កាប់ កងកម្លាំងអ៊ីស្រាអែលបានបន្តធ្វើការវាយឆ្មក់។ កងទ័ពបានវាយលុកតំបន់ជុំវិញមន្ទីរពេទ្យចំនួនបីនៅក្នុងទីក្រុងហេប្រុន និងបានកម្ទេចអាផាតមិនចំនួនពីរនៅក្នុងភូមិអាល់វ៉ាឡាចា ភាគខាងលិចនៃទីក្រុងបេថ្លេហិម៕