ក្នុងបរិយាកាសនយោបាយតានតឹងកើនឡើង រវាងសហរដ្ឋអាមេរិក និងប្រទេសវេណេស៊ុយអេឡា ប្រធានាធិបតី Nicolas Maduro បានបញ្ជាក់កាលពីថ្ងៃពុធទី៣ខែធ្នូ ថាលោកនិយាយទូរស័ព្ទដោយស្និទ្ធស្នាលជាមួយប្រធានាធិបតី Donald Trump នៅចុងខែវិច្ឆិកា។ ការបញ្ជាក់នេះធ្វើឡើងក្នុងពេលដែលកម្លាំងយោធាអាមេរិកកំពុងពង្រឹងនៅតំបន់ការ៉ាប៊ីន បង្កើនការព្រួយបារម្ភអំពីការបង្ក្រាបយោធាដ៏ធំមួយ។
ប្រភពពីសារព័ត៌មានAl Jazeera នៅថ្ងៃទី4 ខែធ្នូ ឆ្នាំ2025។
ក្នុងបទសម្ភាសន៍ជាមួយទូរទស្សន៍ Venezolana de Television ដែលគ្រប់គ្រងដោយរដ្ឋ លោក Maduro បាននិយាយថា ការហៅទូរស័ព្ទនេះត្រូវបានរក្សាការស្ងៀមស្ងាត់ជាង ១០ ថ្ងៃ។ ការបង្ហាញព័ត៌មានពីប្រព័ន្ធផ្សព្វផ្សាយអន្តរជាតិបានជំរុញឲ្យគាត់សម្រេចចិត្តចេញមកបញ្ជាក់ផ្លូវការយ៉ាងរហ័ស ដើម្បីជៀសវាងអ្វីដែលគាត់ហៅថាការទូតតាមមីក្រូហ្វូន។
លោក Maduro ថ្លែងថាខ្ញុំមិនចូលចិត្តការទូតតាមសារព័ត៌មានទេ។ បញ្ហាធំៗត្រូវដោះស្រាយដោយស្ងៀមស្ងាត់។
នៅសេតវិមាន ប្រធានាធិបតី Trump បានអះអាងកាលពីថ្ងៃអាទិត្យថា ត្រូវបាននិយាយជាមួយលោក Maduro។
យ៉ាងណាមិញ គាត់បានចោទប្រកាន់ថា វេណេស៊ុយអេឡា ផ្ញើគ្រឿងញៀន និងមនុស្សដែលមិនគួរផ្ញើចូលអាមេរិក ដោយបន្ថែមការតានតឹងក្នុងការទំនាក់ទំនងទូត៕