យោងតាមក្រសួងការពារជាតិ យោធាសហរដ្ឋអាមេរិកបានធ្វើការវាយប្រហារដ៏សាហាវមួយលើទូកដែលចោទប្រកាន់ថារត់ពន្ធគ្រឿងញៀននៅក្នុងតំបន់ការ៉ាប៊ីន ដោយបានសម្លាប់មនុស្សបួននាក់។
ប្រភពពីសារព័ត៌មានAljazeera នៅថ្ងៃសុក្រទី៥ខែធ្នូ។
ការវាយប្រហារនេះ បានកើតឡើងកាលពីថ្ងៃព្រហស្បតិ៍
អ្នកជំនាញបាននិយាយថា ការវាយប្រហារបែបនេះអាចបង្កើតជាឧក្រិដ្ឋកម្មសង្គ្រាម។
ទីភ្នាក់ងារស៊ើបការណ៍សម្ងាត់បានបញ្ជាក់ថា នាវានេះកំពុងដឹកគ្រឿងញៀនខុសច្បាប់ ធ្វើដំណើរឆ្លងកាត់តាមផ្លូវជួញដូរគ្រឿងញៀនដែលគេស្គាល់នៅភាគខាងកើតមហាសមុទ្រប៉ាស៊ីហ្វិក។ ភេរវករគ្រឿងញៀនប្រុសបួននាក់នៅលើនាវាត្រូវបានសម្លាប់។
ការវាយប្រហារចុងក្រោយនេះ បានកើតឡើងខណៈដែលសហរដ្ឋអាមេរិកបន្តបង្កើនវត្តមានយោធានៅជិតឆ្នេរសមុទ្រនៃប្រទេសវេណេស៊ុយអេឡា ដោយលោក Trump បានគំរាមកំហែងម្តងហើយម្តងទៀតថា ការវាយប្រហារតាមផ្លូវគោកអាចនឹងកើតឡើង «ក្នុងពេលឆាប់ៗនេះ»។
ទោះជាយ៉ាងណា មេដឹកនាំវេណេស៊ុយអេឡា លោក នីកូឡាស ម៉ាឌូរ៉ូ បាននិយាយថា យុទ្ធនាការដាក់សម្ពាធរបស់សហរដ្ឋអាមេរិក មានគោលបំណងផ្តួលរំលំរដ្ឋាភិបាលរបស់លោកតែប៉ុណ្ណោះ៕